Isaia 22 - Revised Samoan Catholic Bible

O Mea e o‘o i le Itū‘āiga o Iuta

1O le avega a le vanu o le fa‘aaliga.

Pe fa‘apefea lava oe ‘ina ‘ua ō a‘e

ou tagata uma i luga o fale?

2Sa tumu oe i vāvāō, o le ‘a‘ai e pisapisaō,

o le ‘a‘ai e ‘oli‘oli lava;

o ou tagata fasia e le‘i fasia i latou i le pelu,

e le‘i oti fo‘i i le tau‘a.

3‘Ua sōsōla fa‘atasi ou ali‘i uma,

‘ona o ‘aufana ‘ua fusifusia lava i latou;

‘ua fusifusia fa‘atasi i latou uma o ē na maua ‘ua ‘iā te oe,

o ē na sōsōla mai i le mea mamao.

4O le mea lea na ‘ou fai atu ai:

‘Ia ‘outou liliu ‘ese ‘iā te a‘u;

‘ou te tagi lotulotu lava,

‘aua tou te finau e fa‘amafanafana mai ‘iā te a‘u,

‘ona o le fa‘atafunaina o le tama fafine a lo‘u nu‘u.

5Auā o le aso o le pisapisaō ma le soliga

ma le femēmēa‘i mai le Ali‘i le ATUA o ‘au

i le vanu o le fa‘aaliga,

o le aso e lepetia ai pā ma ‘alalaga atu ai i mauga.

6‘Ua tau‘ave e Elama le utu,

fa‘atasi ma kariota ‘ua i ai tagata

ma ē ti‘eti‘e i solofanua;

‘ua tō ‘ese fo‘i e Kira le ufiufi o le talitā.

7‘Ua tūtūmu ou vanu e sili ‘ona lelei i kariota,

‘ua pae tau mai fo‘i ‘au e ti‘eti‘e i solofanua i le faitoto‘a.

8‘Ua tō ‘ese le ufiufi o Iuta.

O lea aso fo‘i ‘e te fa‘asaga ai i ‘au‘upega o i le fale i le vao.

12O lea aso fo‘i ‘ua vala‘au mai ai le Ali‘i le ATUA o ‘au

‘ia fētāgisi ma ‘ia taufaitagitu‘i

ma ia sele mamā lauulu ma ia lavalava i ‘ie talatala.

13Fa‘auta fo‘i, o le fiafia ma le ‘oli‘oli,

o le fasiga o povi ma le fasiga o mamoe,

o lo‘o ‘a‘ai tufa‘aga ma inu uaina,

“‘Inā tatou ‘a‘ai ia ma inu;

auā a taeao tatou te oti ai.”

14A ‘ua fa‘aalia mai i o‘u taliga e le ALI‘I o ‘au:

E matuā le fa‘amāgaloina lenā agasala ‘iā te ‘outou e o‘o i lo ‘outou oti,

o lo‘o fa‘apea mai ai le Ali‘i le ATUA o ‘au.

O le Lapata‘iga ‘iā Sevena

15‘Ua fa‘apea ‘ona fetalai mai o le Ali‘i le ATUA o ‘au: Sau ia, ‘inā alu i lenā ‘au‘auna ‘ua pule, o Sevena fo‘i, o lē ‘ua pule i le ‘āiga, ‘ia fa‘apea atu i ai:2 Tu 18.18; 19.2; Isai 36.3

16Se a ‘ea se mea ‘ua ‘iā te oe ‘i‘inā? o ai ‘ea fo‘i o ‘iā te oe i le mea nei? ‘ina ‘ua e ‘elia mo oe se tu‘ugamau i le mea nei ‘ua ‘eli e ia lona tu‘ugamau i le mea maualuga, ‘ua foa i le papa se fale mo ia.

17Fa‘auta, o le ALI‘I na te matuā lafotūina oe ma le malosi tele, na te ufitia lava oe.

18Na te matuā lialia‘i oe, e lialia‘i e pei o se mea lapotopoto e sasau atu i le nu‘u lautele; ‘e te oti ai, e i ai fo‘i ou nofoa fa‘ata‘avalevale matagofie, o le gao o le ‘āiga o lou ali‘i.Isai 36.9

19‘Ou te tulia oe i lou tofi, ‘ou te lafotūina fo‘i oe i le mea ‘ua e tu ai.

20O lea aso fo‘i ‘ou te vala‘auina ai la‘u ‘au‘auna o Eliakimo le atali‘i o Hilikia;2 Tu 18.18

21‘ou te fa‘a‘ofuina fo‘i o ia i lou ‘ofu ma ‘ou fa‘amalosi ‘iā te ia i lou fusi; ‘ou te tu‘uina atu ‘iā te ia lau pule, e ‘avea fo‘i o ia ma tamā o ē nonofo i Ierusalema ‘atoa ma le ‘āiga o Iuta.

22‘Ou te fa‘ae‘e fo‘i le ki a le ‘āiga o Tavita i lona ua; na te tatalaina, ‘ae leai sē na te puipuia; na te puipuia fo‘i, ‘ae leai sē na te tatalaina.Fa‘aa 3.7

23‘Ou te fa‘amauina o ia e pei o le fao i le mea e mausalī ai, e fai fo‘i o ia ma nofoāli‘i mamalu i le fale o lona tamā;Esera 9.8

24latou te tāutau ‘iā te ia o le tele o mea uma o i le fale o lona tamā; o ē tutupu ai ma ē ‘ua fānau mai ai, o ipu iti uma lava, o ipu fa‘a‘ofu‘ofu, ‘atoa ma fagu uma.

25O lo‘o fetalai mai le ALI‘I o ‘au: O lea aso e ‘ave‘eseina ai le fao sa fa‘amauina i le mea sa mausalī ai, e vaevaea fo‘i ma pa‘ū; e sala‘eseina fo‘i le mea o tautau ai; auā ‘ua fetalai mai ai le ALI‘I.