Isaia 24 - Revised Samoan Catholic Bible

O le Malaia o Iuta ma le Manuia e Mulimuli ane Ai

1Fa‘auta, o lo‘o sasa‘aina e le ALI‘I le nu‘u ‘ia uma, na te fa‘afaōina, na te fa‘ata‘ape‘apeina fo‘i ē o nonofo ai.

2E i‘u ‘ina tutusa o le nu‘u ma le ositaulaga; e tutusa le ‘au‘auna ma lona ali‘i; e tutusa le ‘au‘auna fafine ma lona matai fafine; e tutusa lē ‘ua fa‘atau atu ma lē ‘ua fa‘atau mai; e tutusa lē ‘ua avatu mea ma le ‘ua ‘aitalafu; e tutusa lē ‘ua talia le totogi fa‘asili ma lē ‘ua avatu le totogi fa‘asili.

14Latou te leo tetele, latou te ‘alalaga fiafia, ‘ona o le mamalu o le ALI‘I, latou te ‘alalaga mai le sami.

15O le mea lea ‘ia ‘outou vivi‘i atu ai i le ALI‘I i le afi, i nu‘u tuloto i le sami, o le suafa lava o le ALI‘I o le Atua o Isaraelu.

16‘Ua tatou fa‘alogo i pese mai le tulu‘iga o le lalolagi; o le vi‘iga i lē ‘ua amiotonu; a ‘ua ‘ou fai atu,

‘Ua malaia a‘u nei! ‘ua malaia a‘u nei! Auē a‘u nei! O ē fa‘asauā ‘ua latou fa‘asauā, o lē sauā lava ‘ua fa‘asauā mai ai ē ‘ua fa‘asauā.

17‘Ua ‘iā te oe le nofo i le nu‘u le mata‘u ma le lua, ma le mailei fa‘asauā.

21O lea aso fo‘i e fa‘asala ai e le ALI‘I i ‘au i lugā i le mea maualuga, ‘atoa ma tupu o le lalolagi i le lalolagi.