Kolose 1 - Revised Samoan Catholic Bible

O ‘Upu Fa‘afeiloa‘i

1O Paulo, o le ‘aposetolo a Iesu Keriso, i le finagalo o le Atua, o i mā‘ua ma Timoteo, o le uso lea.

2I le ‘au pa‘ia i Kolose, o le ‘au uso fa‘amaoni fo‘i o ‘iā Keriso.

‘Ia ‘iā te ‘outou le alofa tunoa ma le manuia mai le Atua lo tatou Tamā.O le Tatalo Fa‘afetai

3Ma te fa‘afetai atu i le Atua, o le Tamā o lo tatou Ali‘i o Iesu Keriso, ‘iā ma talosaga e lē aunoa mo ‘outou.

8o ia fo‘i na fa‘ailoa mai ‘iā te i mā‘ua o lo ‘outou alofa mai i le Agaga.

9O le mea lea o i mā‘ua fo‘i ma te le‘i mapu ai lava i le tatalo mo ‘outou, talu le aso na mā fa‘alogologo ai, ma te ‘ai‘oi atu fo‘i ‘ina ‘ia ‘ato‘atoa ‘ona ‘outou iloa lelei o lona finagalo, i le poto uma ‘atoa ma le mafaufau fa‘aleagaga;O le Tagata ma Galuega a Keriso

15O ia o le fa‘atusa o le Atua e lē va‘aia, o le ulumatua o mea uma lava ‘ua faia; o mea i le lalolagi ‘atoa ma mea o i le lagi.

21O ‘outou fo‘i sa tagata ‘ese anamua, sa fai o ia mo ‘outou fili i o ‘outou loto i le amio leaga; a o lenei, ‘ua lelei ‘outou ma ia,O Galuega a Paulo o se ‘Au‘auna i le Ekalesia

24‘Ou te ‘oli‘oli nei i mea ‘ou te tigā ai ‘ona o ‘outou, ‘ou te fa‘a‘atoa fo‘i i lo‘u tino o mea ‘ua totoe i puapuagā o Keriso ‘ona o lona tino, o le ekalesia lea.

25‘Ua fai a‘u ma ‘au‘auna i ai, e tusa ma le tofiga mai le Atua, ‘ua tu‘uina mai ai ‘iā te a‘u mo ‘outou, ‘ina ‘ia matuā folafolaina le afioga a le Atua.

26O le mea lilo lea, sa natia talu mai i augātagata ma tupulaga ‘ua mavae, a o ona po nei ‘ua fa‘aalia mai ai i ona tagata pa‘ia.