Filipi 4 - Revised Samoan Catholic Bible

O Apoapoa‘iga

1O lenei, o‘u uso e, o ē ‘ou te alofa ma naunau i ai, o lo‘u fiafia ma lo‘u pale le ‘au pele, ‘ia fa‘apea ‘ona tumau o ‘outou i le Ali‘i.

2‘Ou te ‘ai‘oi atu ‘iā Evotia, ‘ou te ‘ai‘oi atu fo‘i ‘iā Sunetui, ‘ia tasi lo la manatu i le Ali‘i.

3‘Ou te fa‘atoga atu fo‘i ‘iā te oe, lo‘u fesoasoani fa‘amaoni, ‘ia e fesoasoani ‘iā te i lā‘ua, o ē na finau fa‘atasi ma a‘u i le tala lelei, ‘atoa ma Kelemene ma nisi uma ē na galulue fa‘atasi ma a‘u, ‘ua i le tusi o le ola o latou igoa.

4‘Ia ‘outou ‘oli‘oli i le Ali‘i e lē aunoa; ‘ou te toe fai atu, ‘ia ‘outou ‘oli‘oli.

5‘Ia iloa lo ‘outou agamalū e tagata uma lava; ‘ua lata mai le Ali‘i.O le Fa‘afetai i Mea Alofa

10A ‘ua ‘ou fiafia tele i le Ali‘i, auā o ona po nei ‘ua toe tupu mai ai lo ‘outou mānatunatu mai ‘iā te a‘u sa ‘outou mānatunatu fo‘i i ai, a ‘ua lē maua e ‘outou se ala.

11‘Ou te lē fai atu ‘ona o le mativa, auā ‘ua a‘oa‘oina a‘u ‘ia to‘a filemū lo‘u loto i mea ‘ua ‘iā te a‘u. ‘ua fa‘amalosi mai ‘iā te a‘u.

14‘Ae ui lava i lea na ‘outou agalelei, ‘ina ‘ua ‘outou alolofa mai i lo‘u puapuagā.

15‘Ua ‘outou iloa fo‘i, ‘outou Filipi e, o le amataga o le tala lelei ‘ina ‘ua ‘ou alu atu nai Maketonia e leai se ekalesia na alofa mai ai ‘iā te a‘u i le matā‘upu o le foa‘i mai ma le talia o mea, na o ‘outou lava.