Ieremia 17 - Revised Samoan Catholic Bible

O le Agasala ma le Fa‘asalaga a Iuta

1‘Ua tusia le agasala a Iuta i le peni u‘amea ma le mata o le samira; ‘ua togitogi i le papatusi o latou loto ma nifo o ‘outou fatafaitaulaga,

‘Ia malaia le tagata e fa‘atuatua i tagata

ma ‘ua fai tagata mōna lima

a ‘ua liliu ‘ese lona loto i le ALI‘I.

6E ‘avea o ia e pei o le tula i le vao,

na te lē iloa fo‘i pe a o‘o mai mea lelei;

e mau ai o ia i mea pa‘a‘ā i le vao,

o le nu‘u naumati ma le lē ‘ainā.

7‘Amu‘ia le tagata o lē fa‘atuatua i le ALI‘I,

o lē ‘ua fai le ALI‘I mōna fa‘atuatuaga.

8Auā o ia e fa‘apei o le la‘au ‘ua totō i tafatafa ane o le vai,

‘ua sosolo atu ona a‘a i tafatafa ane le vaitafe,

na te lē iloa fo‘i pe o‘o mai le vevela,

‘ae lauolaola ona lau;

e le atuatuvale i le tausaga o le la mala,

e fua mai pea lava ona fua.

9E sili le fa‘a‘ole‘ole o le loto i mea uma

ma ‘ua matuā leaga lava;

po o ai na te mafaia ‘ona iloa?

10O a‘u o le ALI‘I o lē su‘esu‘e i le loto,

o lē tofotofo i manatu,

‘ina ‘ia tu‘uina atu i tagata ta‘itasi e tusa ma ona ala,

e tusa fo‘i ma le fua o ana amioga.

11‘Ua moe le koli i fua,

‘ae lē ni ona fua.

E fa‘apea o ia e maua le ‘oa,

‘ae lē maua i le amiotonu.

E tu‘u e ia ana ‘oa i le tautuluaga o ona aso,

‘ae ‘avea o ia ma vale i lona gata‘aga.

12O le mea o i ai lo tatou malumalu,

o le nofoāli‘i mamalu lea ma le maualuga mai le amataga.

13Le ALI‘I e, le fa‘amoemoe o Isaraelu,

e fa‘amāina i latou uma o ē lafoa‘i ‘iā te oe.

O i latou e liliu ‘ese ‘iā te a‘u,

e tusia i latou i le ‘ele‘ele,

auā ‘ua lafoa‘iina e i latou o le ALI‘I le puna o vai ola.

‘Ua Fa‘atagisia e Ieremia le Ali‘i mo se Fesoasoani

14Le ALI‘I e, ‘ia e fa‘amālōlō mai ‘iā te a‘u,

‘ona mālōlō ai lea o a‘u.

‘Ia e fa‘aola mai ‘iā te a‘u,

‘ona fa‘aolaina ai lea o a‘u;

auā o oe ‘ou te vivi‘i i ai.

15Fa‘auta, ‘ua latou fai mai ‘iā te a‘u,

“O fea o i ai le afioga a le ALI‘I?

Se‘i o‘o mai lava.”

16A o a‘u nei,

‘ua ‘ou lē popole ‘ina ‘ia lē fai a‘u ma leoleo mamoe e mulimuli atu ‘iā te oe.

‘Ua ‘ou le mana‘o fo‘i i le aso vale,

‘ua silafia e oe; o le mea ‘ua alu atu i o‘u laugutu;

‘ua i ou luma lea.

17‘Aua ne‘i fai oe ma fa‘amata‘u ‘iā te a‘u;

o oe lo‘u malu i le aso vale.

18‘Ia fa‘amāina i latou o ē tuliloa mai ‘iā te a‘u,

‘ae ‘aua le fa‘amāina a‘u.

‘Ia matata‘u i latou, ‘ae ‘aua le mata‘u o a‘u;

‘ia fa‘a‘o‘otia ‘iā te i latou le aso vale

ma ‘ia fa‘aumatia i latou i le malaia e sautualua.O le Tausi i le Sapati

19‘Ua fa‘apea ‘ona fetalai mai o le ALI‘I ‘iā te a‘u: Alu ia, ‘inā tu i le faitoto‘a o tagata o le nu‘u, e ulu mai ai tupu o Iuta ma ō atu ai i latou; ‘ia e tu fo‘i i faitoto‘a uma o Ierusalema;

20ma ‘ia e fa‘apea atu ‘iā te i latou: ‘Ia ‘outou fa‘alogologo mai i le afioga a le ALI‘I, o ‘outou tupu o Iuta ma Iuta uma ‘atoa ma ‘outou uma o ē o nonofo i Ierusalema, o ē ulu mai i nei faitoto‘a;

21o lo‘o fa‘apea ‘ona fetalai mai o le ALI‘I, ‘Ia ‘outou ‘iā te ‘outou, ‘ina ne‘i ‘ave se avega i le aso sapati, ‘aua fo‘i le ‘aumai ai i faitoto‘a o Ierusalema;