Fa‘ata‘oto 24 - Revised Samoan Catholic Bible

Sefulu ma le iva o fa‘a‘upuga

1‘Aua ‘e te losilosi i tagata amio leaga; ‘aua fo‘i ‘e te fia to‘aga ‘iā i latou.Lua sefulu o fa‘a‘upuga

3‘Ua atiina a‘e le fale i le poto; ‘ae fa‘amausalīina i le fa‘autauta;

6auā o le filifili lelei ‘e te fai ai lou tau‘a; o le to‘atele fo‘i o faipule e saogalemū ai.Lua sefulu ma le lua o fa‘a‘upuga

7‘Ua maualuga le poto i le vale; na te lē tautala lava i le faitoto‘a.

Lua sefulu ma le tolu o fa‘a‘upuga

8O lē ‘ua mafaufau e fai mea leaga, e ta‘ua o ia o le tagata fai togafiti leaga.

9O le manatu o le vale o le agasala lea; e ‘inosia fo‘i e tagata lē ‘ua fa‘atauemu.Lua sefulu ma le fa o fa‘a‘upuga

10‘Āfai ‘e te fa‘avaivai i le aso vale, ‘ua itiiti lava lou malosi.Lua sefulu ma le lima o fa‘a‘upuga

11‘Ia e lavea‘i i ē ‘ua pu‘ea ‘ia oti, ma ē a o‘o ‘ina fasia.

12‘Āfai ‘e te fa‘apea, “Fa‘auta, matou te le‘i iloa lenei tagata;” o lē ‘ua fuatia loto, na te lē lagona ‘ea? o lē ‘ua tausia lou agaga, na te lē silafia ‘ea? na te lē taui atu ‘ea i le tagata e tusa ma lana galuega?Lua sefulu ma le ono o fa‘a‘upuga

13Lo‘u atali‘i e, ‘ia e ‘ai i le meli, auā e lelei; ‘atoa ma le meli sisina, e suamalie i lou gutu;

14‘ia e iloa, e fa‘apea fo‘i le poto i lou agaga; ‘āfai ‘ua e maua, ‘ona i ai lea o le i‘uga; e le i‘u vale fo‘i lou fa‘amoemoe.Lua sefulu ma le fitu o fa‘a‘upuga

15Le tagata amio leaga e, ‘aua ‘e te lamalama i le mea e nofo ai le tagata amiotonu; ‘aua ‘e te fa‘atafunaina le mea e ta‘oto ai o ia.

16Auā e atu fitu ‘ona pa‘ū lē amiotonu, ‘ae toetū o ia; a o ē amio leaga, e pa‘u‘ū i latou i le malaia.Lua sefulu ma le valu o fa‘a‘upuga

17A pa‘ū lē ‘ua ita ‘iā te oe, ‘aua ‘e te fiafia i ai; a tausuai fo‘i o ia, ‘aua le ‘oli‘oli ai lou loto;

18ne‘i silafia e le ALI‘I, ‘ona leaga ai lea i ona luma; ma na fa‘aliliu mai lona to‘asā ai ‘iā te ia.

Lua sefulu ma le iva o fa‘a‘upuga

19‘Aua ‘e te fa‘ameo i ē ‘ua fai mea leaga; ‘aua fo‘i ‘e te losilosi i ē amio leaga.Tolu sefulu o fa‘a‘upuga

21Lo‘u atali‘i e, ‘ia e mata‘u i le ALI‘I ‘atoa ma le tupu; ‘aua ‘e te fefa‘auōa‘i ma ē feliuliua‘i.

24O lē ‘ua fai atu i lē amio leaga, “O oe le amiotonu;”

e fetu‘uina o ia e le nu‘u; e fa‘afanoina o ia e tagata.

25A o ē ‘ua a‘oa‘i atu ‘iā te ia, latou te fiafia;

e o‘o ‘iā i latou le fa‘amanuia e lelei ai.

26E taufeasogi tagata uma ma lē ‘ua tali atu i ‘upu tonu.

27‘Ia sauniuni i fafo lau galuega, ma e teuteu ai i le vao;

mulimuli ane, ‘ona e faia lea o lou fale.

28‘Aua ne‘i fai fua oe ma molimau i lē lua te tuā‘oi ‘ae leai se mafua‘aga;

‘e te pepelo ‘ea i ou laugutu?

29‘Aua ne‘i e fa‘apea ane,

“E pei ‘ona faia e le tagata ‘iā te a‘u, e fa‘apea lava ‘ona ‘ou faia ‘iā te ia;

‘ou te taui atu ‘iā te ia e tusa ma lana mea ‘ua fai.”

30Na ‘ou alu ane i le fanua o le tagata paiē;

ma le tōvine o le tagata ‘ua leai se mafaufau;

31fa‘auta fo‘i, ‘ua tutupu a‘e ‘ua so‘o lava i la‘au tuitui,

‘ua ufitia uma lava i le vao ogoogo, ma lana pā ma‘a ‘ua solo.

32‘Ona ‘ou va‘ava‘ai lava lea ma ‘ou matuā mānatunatu;

‘ua ‘ou iloa ma ‘ua a‘oa‘oina ai a‘u;

33se‘i toe itiiti sina moe, toe itiiti se matamoe,

toe itiiti se pi‘ilima e ta‘oto ai.

34‘Ae o‘o mai lou mativa e pei o le tagata faomea;

ma lou lē tagolima pei o le tagata ‘ua sauni lana ‘au‘upega.