1 Nofoa‘iga a Tupu 15 - Revised Samoan Catholic Bible

O le ‘Amiga o le ‘Atola‘au a‘i le Fale o Opete-etoma i le ‘A‘ai a Tavita

1‘Ua fai fo‘i e Tavita fale mōna i le ‘a‘ai o Tavita, ma ‘ua saunia le mea mo le ‘atola‘au a le Atua, ‘ua faia fo‘i le fale ‘ie mo le ‘atola‘au.

2‘Ona fai atu ai lea o Tavita: E lē tatau ‘ona ‘ave e nisi le ‘atola‘au a le Atua ‘ua na o sa Levī; auā ‘ua filifilia i latou e le ALI‘I e ‘ave le ‘atola‘au a le Atua ma ‘au‘auna ‘iā te ia e fa‘avavau.

14‘Ona fa‘apa‘iaina lea o ositaulaga ma sa Levī ‘iā te i latou e ‘ava‘e ai le ‘atola‘au a le ALI‘I le Atua o Isaraelu.

15‘Ua amo e le fānauga a sa Levī le ‘atola‘au a le Atua i ona amo i o latou ua, e pei ‘ona poloa‘i mai o Mose e tusa ma le afioga a le ALI‘I.

16‘Ua fai atu Tavita i ali‘i sili o sa Levī; ‘ia latou tofi ni o latou uso e usua pese i la‘aupese, o napeli, ma kitara ma sumepalo, e pepese ai ma le leo tele e fiafia ai.O le ‘Aumaia o le ‘Atola‘au o le Feagaiga i Ierusalema(2 Samu 6.12-22)

25‘Ua ō atu Tavita ma toeaina o Isaraelu ma ali‘i o ta‘ito‘aafe, e ‘aumai le ‘atola‘au o le feagaiga a le ALI‘I ma le fiafia nai le fale o Opete-etoma.

29‘Ua o‘o le ‘atola‘au o le feagaiga a le ALI‘I i le ‘a‘ai a Tavita, ‘ona va‘ai ifo lea o Mekala le afafine o Saulo i le fa‘amalama, ‘ua iloa atu le tupu o Tavita o sa‘a ma siva, ‘ona ‘ino‘ino lea o ia ‘iā te ia i lona loto.