Esther Greek 6 - Revised Samoan Catholic Bible

O le Fa‘ane‘ene‘ega o Moretekai; ‘ua Tigā tele ai Hamanu

1O lenā lava po na lē iloa ai e le tupu sina moe. ‘Ona fai atu lea o le tupu e ‘aumai le tusi e fa‘amanatu a‘i tala i nofoa‘iga. ‘Ona faitaulia ai lea i luma o le tupu.

4‘Ona fai atu lea o le tupu, “O ai ‘ea ‘ua i le lotoā?”

Auā ‘ua alu ane Hamanu i le lotoā i fafo o le fale o le tupu e fai atu ai i le tupu ‘ia fa‘atautauina Moretekai i le la‘au ‘ua ia saunia mo ia.

10‘Ona fai atu lea o le tupu ‘iā Hamanu, “‘Inā vave ia, ‘ia e ‘ave le ‘ofu ma le solofanua, e pei ‘ona e fai mai na, ‘ia e fai fa‘apea ‘iā Moretekai o lo sa Iutā, o lē nofo i le faitoto‘a o le tupu, ‘aua le tu‘ua se mea e tasi i mea uma na e fai mai na.”