1Sa i le tasi mea o Iesu, ‘ua tatalo, ‘ua uma, ‘ona fai mai lea ‘iā te ia o le tasi o lona ‘au so‘o, “Le Ali‘i e, ‘ia e a‘oa‘o mai ‘iā te i matou i tatalo; e fa‘apei o Ioane fo‘i ‘ona a‘oa‘o i ona so‘o.”
2‘Ua fetalai atu o ia ‘iā te i latou, “Pe a ‘outou tatalo, ‘ia ‘outou fai atu:
Lo matou Tamā e,
‘Ia pa‘ia lou suafa.
‘Ia o‘o mai lou mālō.
3‘Ia e foa‘i mai ‘iā te i matou
i lea aso ma lea aso a matou mea e ‘ai e tatau ma le aso.
4‘Ia e fa‘amāgalo ‘iā te i matou
‘iā matou agasala.
Auā fo‘i, matou te fa‘amāgaloina atu
‘iā i latou uma o ē agaleaga mai ‘iā te i matou.
‘Aua fo‘i ‘e te ta‘ita‘iina i matou i le fa‘aosoosoga.”‘Ia Fa‘amaoni i le Tatalo
5‘Ua fetalai atu fo‘i o ia ‘iā te i latou, “O ai so ‘outou e ana le uō, e alu atu ‘iā te ia i le tulua o po ma fai atu ‘iā te ia, ‘Sole, se‘i ‘aumai ni areto se tolu gafua, ‘ae taui atu;
6auā ‘ua sau la‘u uō ‘iā te a‘u i lana malaga, ‘ae leai ni a‘u mea e laulau atu i ai.’
7E tali mai o ia mai totonu o le fale, ‘‘Aua ‘e te fa‘asoesā mai ‘iā te a‘u; ‘ua uma ‘ona pupuni le faitoto‘a, ‘ua matou ta‘o‘oto ma la‘u fānau; ‘ou te lē mafai ‘ona tula‘i e avatu mā oe.’
8‘Ou te fai atu ‘iā te ‘outou, E ui lava ‘ina lē tula‘i o ia, ma avatu ‘iā te ia, ‘ona o ia o lana uō, ‘ae tula‘i ma avatu mea uma e mana‘o ai o ia, ‘ona o lana fa‘atauānau ane.
9“‘Ou te fai atu fo‘i a‘u ‘iā te ‘outou: ‘Ia ‘outou ole atu, ‘ona foa‘iina mai ai lea ‘iā te ‘outou; ‘ia ‘outou sā‘ili, ‘ona ‘outou maua ai lea; ‘ia ‘outou tu‘itu‘i atu, ‘ona tōina mai ai lea ‘iā te ‘outou.
10Auā ‘ai sē ole atu, e maua e ia; o lē sā‘ili, e iloa e ia; o lē tu‘itu‘i, e tōina mai ‘iā te ia.
11O ai se tamā ‘iā te ‘outou e avatu ‘ea e ia i lona atali‘i se ma‘a, pe a ole mai se areto? Pe a ole mai se i‘a, e avatu ‘ea ‘iā te ia se gata ‘ae lē o se i‘a?
12Pe a ole mai se fuāmoa, e avatu ‘ea ‘iā te ia se akarava?
13O lenei, o ‘outou e leaga, ‘āfai ‘ua iloa e ‘outou ‘ona avatu o mea lelei mā a ‘outou fānau; e lē sili ‘ea ‘ona foa‘iina mai e lo ‘outou Tamā o i le lagi le Agaga Pa‘ia i ē ole atu ai ‘iā te ia?”
O Iesu ma Pelesepulo(Mata 12.22-30; Mare 3.20-27)14Sa tuli e Iesu le temoni, ‘ua gūgū fo‘i o ia; ‘ua alu i fafo le temoni, ‘ona gagana ai lea o le gūgū, ‘ua ofo ai lava le motu o tagata.
15Peita‘i o isi o i latou ‘ua fai ane, “O Pelesepulo le ali‘i o temoni, ‘ua tulia ai e ia o temoni.”
16O isi fo‘i ‘ua tofotofo ‘ua sā‘ili mai ‘iā te ia se fa‘ailoga mai le lagi.O le Toe Fo‘i mai o le Agaga Leaga(Mata 12.43-45)
24“Pe a alu le agaga leaga i fafo o le tagata, ‘ua fealualua‘i o ia i mea matūtū, ‘ua sā‘ili se mapusaga, ‘ae lē maua; ‘ona fai ane lea, ‘‘Ou te toe fo‘i i lo‘u fale na ‘ou sau ai.’
25‘Ua o‘o i ai, ‘ona iloa ai lea, ‘ua uma ‘ona tafitafi ma teuteu.
26‘Ona alu ai lea o ia, ‘ua na ‘aumaia isi agaga e to‘afitu, e sili lo latou leaga ‘iā te ia; ‘ona latou ulufale ai lea, ‘ua nonofo ai; ‘ona sili ai lea o le leaga le tulaga o lea tagata i lo le tulaga muamua.”
O le Fiafia Moni27O lo‘o fetalai ane o ia i nei mea, a ‘ua ‘alaga tele mai ai le tasi fafine mai le motu o tagata, ‘ua fa‘apea mai ‘iā te ia, “‘Amu‘ia le manava na fānau mai ai oe ma susu na e susu ai.”
28A ‘ua fetalai atu o ia, “E moni, ‘ae sili ‘ona manuia o ē fa‘alogo i le afioga a le Atua ma tausi i ai.”
O le Talosaga mo se Fa‘ailoga(Mata 12.38-42)29‘Ua lolofi mai le motu o tagata, ‘ona fetalai atu ai lea o ia, “O le tupulaga leaga lenei, ‘ua sā‘ili mai se fa‘ailoga, ‘ae lē avatu i ai se fa‘ailoga, tau lava o le fa‘ailoga o Iona le perofeta. e tula‘i o ia i le fa‘amasinoga ma tagata o le tupulaga nei, e fa‘asala fo‘i e ia ‘iā te i latou; auā na sau o ia mai le tulu‘iga o le lalolagi e fa‘alogo i le poto o Solomona; fa‘auta fo‘i, o ‘i‘inei lava lē sili ‘iā Solomona.O le Malamalama o le Tino(Mata 5.15; 6.22-23)
33“E leai sē tutu i le molī ma tu‘u i le mea lilo, po o i lalo o le mea e fua a‘i saito, ‘ae tu‘u i luga lava o le tu‘ugāmolī, ‘ina ‘ia iloa mai ai le malamalama i ē ulufale mai.
46‘Ua fetalai atu o ia, “‘Oi talofa ‘iā te ‘outou le ‘au a‘oa‘o tulafono! Auā ‘ua fa‘ae‘e atu e ‘outou avega mamafa i tagata, a o ‘outou, tou te lē tago atu lava i nā avega i so ‘outou tamatama‘i lima.
47‘Oi talofa ‘iā te ‘outou. Auā ‘ua ‘outou ati a‘e tu‘ugamau o perofeta; o ‘outou tamā fo‘i, na latou fasioti ‘iā te i latou.
48O lea, o ‘outou lava o molimau i le amio a o ‘outou tamā ma ‘outou loto i ai, auā na latou fasioti ‘iā te i latou, ‘ae tou te ati a‘e o latou tu‘ugamau.
49O lea fo‘i ‘ua fetalai mai ai le Poto a le Atua, ‘‘Ou te ‘a‘auina atu ‘iā te i latou perofeta ma ‘aposetolo; latou te fasioti fo‘i nisi ma fa‘asauā i ai,’
50‘ina ‘ia su‘ea i le tupulaga nei le toto o perofeta uma ‘ua fa‘amaligiina talu ona fa‘avaeina o le lalolagi.
51E āfua mai i le toto o Apelu, e o‘o atu i le toto o Sakaria, na fasiotia i le vā o le fatafaitaulaga ma le malumalu; e moni, ‘ou te fai atu ‘iā te ‘outou, e su‘ea lava ia i lenei tupulaga.Kene 4.8; 2 No 24.20-21
52‘Oi talofa ‘iā te ‘outou le ‘au a‘oa‘o tulafono! Auā ‘ua ‘avea e ‘outou le ki o le malamalama; tou te lē ulu atu ai, sa ‘outou fa‘alavelave fo‘i i ē a ulu atu.”
53A o maliu ‘ese o ia i lea mea, na amata loa e le ‘au tusi‘upu ma le ‘au faresaio ‘ona u‘una‘i malosi ‘iā te ia ma fesili fa‘aosooso ‘iā te ia i mea e tele,
54o lamalama ‘iā te ia ma sā‘ili e tāofi i se ‘upu mai lona fofoga.
Who We AreWhat We EelieveWhat We Do
2025 by iamachristian.org,Inc All rights reserved.
