Daniel Greek Fa‘atomuaga - Revised Samoan Catholic Bible

Fa‘atomuagaSa tusia le tusi o Tanielu i le vaitaimi ma le vaitau o mafatiaga o tagata Iutaia ‘ona o fa‘asalaga ma faiga fa‘apologa a se tupu fa‘apaupau. ‘Ua fa‘aaogāina e le tusi tala le fa‘amatalaina o fa‘aaliga e fa‘amalosi‘au atu ai i tagata o lona nu‘u, ‘ia fa‘amoemoe i le Atua, o Ia na te fa‘ato‘ilaloina le tagata pule sauā ma toe fa‘amamaluina ona tagata.E lua vaega ‘autū o le tusi: (1) O le tala ‘iā Tanielu ma isi tagata o lona nu‘u sa latou fa‘aaunu‘ua fa‘atasi. Sa manumālō i latou i o latou fili ‘ona o lo latou fa‘atuatua ma usita‘i i le Atua. O tala nei o lo‘o fa‘atatau i le taimi o faigamālō malolosi a Papelonia ma Peresia. (2) O fa‘aaliga na va‘aia e Tanielu sa ala mai i ni fa‘atusa ‘ua fa‘atatau i le si‘itia ma le pa‘ū o le tele o mālō malolosi, e āfua mai ‘iā Papelonia. ‘Ua i ai fo‘i le valo‘aga i le fa‘ato‘ilaloina o le tupu fa‘apaupau ma le manumālō o nu‘u o le Atua.O le isi itū tāua ‘ua mafai ‘ona fa‘aofi mai le Tanielu i le gagana Eleni lea sa tu‘uina i le fa‘asi‘usi‘uga o Tusi o le Feagaiga Tuai (Vaega Fa‘aopoopo). E iloa gofie le gagana Eleni e pei ‘ona fa‘ailoilo atu: O le Pese a Tama e To‘atolu 3.24-90, Matā‘upu 13.1-65 ma le Matā‘upu 14.1-42. O lenei fa‘atulagaga o lo‘o mulimulita‘i i le fa‘atulagaga o Tusi o le Tusi Pa‘ia fa‘a-Eleni.O le Fa‘asologa o Matā‘upu:O Tanielu ma ana uō 1.1—3.23Pese a Tama e To‘atolu 3.24-90‘Ua fa‘ailoa e le Tupu le Vāvega 3.91-92Fa‘asa‘olotoga o uō a Tanielu 3.93-97O miti a Nepukanesa 4.1-37O le Tupu o Pelesara 5.1-31O Tanielu i le lua o leona 6.1-28O Fa‘aaliga na va‘ai i ai Tanielu 7.1—12.13(a) O manu fe‘ai e fa 7.1-28(e) O le mamoe po‘a ma le ‘oti 8.1—9.27(i) O le sāvali mai le lagi 10.1—11.45(o) O le taimi mulimuli 12.1-13O le Fa‘asaoga o Susana e Tanielu 13.1-65O le Fa‘aumatiaga o Pele ma le Tarako 14.1-42