1 Nofoa‘iga a Tupu 8 - Revised Samoan Catholic Bible

O le Gafa o Peniamina

1‘Ua fānaua fo‘i e Peniamina o Pela lana ulumatua, o lona lua o Asepelu ma lona to‘atolu o Aara,

6O atali‘i ia o Akuta; o i latou ia o matai sili i ē na mau i Kipea, ‘ua latou tāfea i latou i Manaka;

7o Naamanu fo‘i ma Akia ma Kira; ‘ua ia fa‘atāfeaina i latou; na fānaua fo‘i e ia o Usa ma Akiuta.

8‘Ua fānaua ni atali‘i o Saaraima i le nu‘u o Moapi, ‘ina ‘ua ‘a‘au‘eseina i latou e ia. O Husema ma Paara, o ana avā ia.

9Na fānaua e ia a‘i ‘iā Hotesa lana avā o Iopapa ma Sepea ma Mesa ma Malekama,

10o Ieusa fo‘i ma Savia ma Merema. O ona atali‘i ia, o matai sili.

11Na fānaua e Husema, o Apitopa ma Elipaalu.

12O atali‘i o Elipaalu; o Eperu ma Mesama ma Semeri, o lē na faia Ono ma Loto ma ona faoa ‘a‘ai.

13O Peria fo‘i ma Sema, o matai sili ia i ē na nonofo i Ailona, o ē na tulia i latou sa nonofo i Kata; ‘ua fānaua e Meripaala o Mika.

35O atali‘i o Mika, o Pitonu ma Meleka ma Tarea, ma Aasa.

36‘Ua fānaua e Aasa o Ieoata; ‘ua fānaua fo‘i o Ieoata o Alemetu ma Asemau ma Semeri; ‘ua fānaua e Semeri o Mosa.

37‘Ua fānaua fo‘i e Mosa o Pinea; o Rafa lona atali‘i, o Eliasa lona atali‘i, o Aselu lona atali‘i.

38O atali‘i o Aselu e to‘aono, o latou igoa fo‘i ia, o Aserikama, o Pokeru ma Isamaeli ma Searia ma Opetaia ma Hanana. O i latou uma ia o atali‘i o Aselu.

39O atali‘i o Eseki o lona uso; o Ulama le ulumatua, o Iuso o lona to‘alua, o Elipelete o lona to‘atolu.

40O atali‘i o Ulama o tagata fitafita lava, o ē fanafana i ‘aufana, ‘ua to‘atele o latou atali‘i ma atali‘i o latou atali‘i, o to‘aselau ma le to‘alimagafulu. O i latou uma ia o le fānauga a Peniamina.