Levitiko 9 - Revised Samoan Catholic Bible

O Taulaga na faia e Arona

1‘Ua o‘o fo‘i i le pō valu, ‘ona vala‘au atu ai lea o Mose ‘iā Arona ma ona atali‘i, ma toeaina o Isaraelu;

5‘Ua latou ‘aumai i luma o le fale fetāfa‘i o le fa‘apotopotoga o mea na poloa‘i atu ai e Mose; ‘ona fa‘alatalata ane ai lea o le fa‘apotopotoga uma, ma latou tutū i luma o le ALI‘I.

6‘Ona fai atu ai lea o Mose, “O lenei le mea ‘ua poloa‘i mai ai le ALI‘I tou te faia, e fa‘aali mai ai fo‘i le pupula o le ALI‘I ‘iā te ‘outou.”

7‘Ua fai atu fo‘i Mose ‘iā Arona, “‘Inā fa‘alatalata atu ia oe i le fatafaitaulaga, ma e fai ai lau taulaga mo le agasala, ma lau taulaga mū, ma fai ai se togiola mo oe lava, ‘atoa ma le nu‘u, ma fai ai le taulaga mo le nu‘u, ‘ia fai fo‘i se togiola mo i latou; pei ‘ona poloa‘i mai ai o le ALI‘I.”

8‘Ona fa‘alatalata atu ai lea o Arona i le fatafaitaulaga, ma na fasi le tama‘i povi o le taulaga mo le agasala, mo ia lava lea.

9‘Ona ‘aumai lea e atali‘i o Arona le toto ‘iā te ia; ona fufui ai lea o lona tamatama‘i lima i le toto, ma tu‘u ai i nifo o le fatafaitaulaga, ma sasa‘a ai le toto i lalo o le fatafaitaulaga.

10A o ga‘o, ma fatuga‘o, ma le ga‘o punipū i luga o le finagalo o le taulaga mo le agasala ‘ua ia susunu ai i le fatafaitaulaga, e pei ‘ona poloa‘i mai ai o le ALI‘I ‘iā Mose.