1 Samuelu 15 - Revised Samoan Catholic Bible

‘Ua ‘Auina Saulo e Fasi ‘iā Amaleka

1‘Ua fai atu Samuelu ‘iā Saulo, “Na ‘auina mai a‘u e le ALI‘I e fa‘au‘u ‘iā te oe ‘ia fai ma tupu o lona nu‘u o Isaraelu; o lenei, ‘ia e fa‘afofoga i le afioga a le ALI‘I.

7‘Ua fasi e Saulo ‘iā Amaleka, e pau mai i Havila e o‘o i Sura, o lo‘o feagai ia ma Aikupito.

8‘Ua ia pu‘e ola ‘iā Akako le tupu a Amaleka, a o le nu‘u uma ‘ua ia fasioti ‘iā te i latou i le pelu.

14‘Ona fai atu lea o Samuelu, “O le a fo‘i lenei tagi o mamoe i o‘u taliga ma le tagi o povi ‘ou te fa‘alogo i ai?”

15‘Ona fai mai lea o Saulo, “‘Ua latou ‘aumaia nai Amaleka; ‘ua fa‘asaoina e le nu‘u o mamoe ma povi e aupito lelei, ‘ina ‘ia fai ai taulaga i le ALI‘I lou Atua; a o mea na totoe ‘ua latou fa‘aumatia lava.”

16‘Ua fai atu Samuelu ‘iā Saulo, “Sōia, se‘i ‘ou ta‘u atu ‘iā te oe le mea na fetalai mai ai le ALI‘I ‘iā te a‘u anapō.”

‘Ua fai mai o Saulo ‘iā te ia, “‘Inā fai mai ia.”

17‘Ua fai atu Samuelu, “Sa lē faia ‘ea oe ma ali‘i o itū‘āiga o Isaraelu ‘ina o fa‘atauva‘a oe i lou lava manatu; sa fa‘au‘uina fo‘i oe e le ALI‘I e fai ma tupu o Isaraelu.

20‘Ona fai mai lea o Saulo ‘iā Samuelu, “Auā ‘ua ‘ou fa‘alogo lava i le si‘ufofoga o le ALI‘I; na ‘ou alu fo‘i i le malaga na ‘auina ai a‘u e le ALI‘I; ‘ua ‘ou ‘aumaia fo‘i Akako le tupu a Amaleka, ma a‘u fa‘aumatia Amaleka.

21A ‘ua ‘aumai e le nu‘u mea a le itūtau‘a, o mamoe ma povi, (o mea sili lava ia i mea na fa‘afanoina,) e fai a‘i taulaga i le ALI‘I lou Atua i Kilikala.”

22‘Ua fai atu Samuelu, “E tusa, ‘ea ‘ona fiafia o le ALI‘I i taulaga mū ma taulaga, i lona fiafia i le fa‘alogo i le si‘ufofoga o le ALI‘I? Fa‘auta o le fa‘alogo e sili lea i le taulaga ma le usiusita‘i e sili lea i le ga‘o o mamoe po‘a.

23Auā o le fouvale, e tusa ia ma le agasala o le fa‘ataulāitu; o le finau vale, e tusa ia ma le leaga o le tapua‘i i tupua. ‘Ua e lafoa‘i le afioga a le ALI‘I, o lea ‘ua lafoa‘i ai o ia ‘iā te oe ‘ia lē fai ma tupu.”

24‘Ona fai mai lea o Saulo ‘iā Samuelu, “‘Ua ‘ou agasala, auā ‘ua ‘ou tu‘umavaega i le afioga a le ALI‘I ‘atoa ma lau ‘upu; auā sa a‘u fefe i le nu‘u ma ‘ou fa‘alogo ‘iā latou ‘upu.

25A o lenei, ‘ou te ‘ai‘oi ‘iā te oe, ‘ia e fa‘amāgalo i la‘u agasala, ma ‘ia tā fo‘i ma a‘u, ‘ia ‘ou ifo ai i le ALI‘I.”

26‘Ona fai atu lea o Samuelu ‘iā Saulo, “Tā te lē fo‘i ma oe, auā ‘ua e lafoa‘i le afioga a le ALI‘I, ‘ua lafoa‘i fo‘i e le ALI‘I ‘iā te oe, ‘ina ‘ia lē fai oe ma tupu ‘iā Isaraelu.”

27‘Ua liliu Samuelu o le a alu, ‘Ona tago atu ai lea o ia i lona pito ‘ofu, ‘ona māsae lea.

34‘Ona alu lea o Samuelu i Rama, ‘ae alu a‘e Saulo i lona fale i Kipea.

35‘Ua lē toe asiasi Samuelu ‘iā Saulo, ‘ua o‘o i le aso o lona oti; a ‘ua fa‘anoanoa Samuelu ‘iā Saulo; ‘ua salamō fo‘i le ALI‘I ‘ina ‘ua ia tofia Saulo e fai ma tupu o Isaraelu.