Ieremia 10 - Revised Samoan Catholic Bible

E Silisili ‘ese le ALI‘I, ‘ae Fa‘atauva‘a lava Tupua

1‘Inā fa‘alogologo mai ia i le afioga ‘ua fetalai mai ai le ALI‘I ‘iā te ‘outou le ‘āiga o Isaraelu.

2O lo‘o fa‘apea ‘ona fetalai mai o le ALI‘I:

‘Aua ne‘i a‘oa‘o ‘outou i tu a nu‘u ‘ese,

‘aua fo‘i ne‘i matata‘u i fa‘ailoga i le lagi;

auā ‘ua matata‘u i ai nu‘u ‘ese.

3Auā ‘ua fa‘atauva‘a lava tu a nu‘u ‘ese;

auā ‘ua ta e se tasi le la‘au i le vao,

o le galuega a lima o le tufuga e fai i le matau.

4‘Ua latou fa‘amatagofieina i ario ma auro

ma latou fa‘amauina ai i fao ma samala,

‘ina ‘ia lē gāoioi.

5E pei o le pama ‘ua togitogi fa‘amamanuina ia mea;

latou te lē tautala fo‘i;

e tau‘ave i latou, auā latou te lē mafai ‘ona sāvavali.

‘Aua tou te fefefe ‘iā te i latou;

auā latou te lē mafai ‘ona agaleaga mai,

e lē mafai fo‘i ‘ona agalelei mai.

6E leai lava sē tusa ma oe, le ALI‘I e;

e sili lava oe,

ma lou suafa e sili lea ‘ona malosi.

7O ai ‘ea sē le mata‘u ‘iā te oe, le Tupu o nu‘u e?

Auā e ono lea ‘iā te oe.

Auā e leai sē tusa ma oe

i ē popoto uma i nu‘u ma o latou mālō uma.

8‘Ae peita‘i ‘ua,

vālelea i latou uma, o vale lava;

o le ogāla‘au o ia lava lē a‘oa‘i atu i mea fa‘atauva‘a.

9‘Ua ‘aumaia mai Tasesa le ario ‘ua fa‘asalafalafaina,

ma le auro mai Upasa.

O le galuega a le tufuga,

o le galuega fo‘i a lima o le tufuga fai mea u‘amea;

o le ‘ie uli ma le pāuli ‘ua ‘o‘ofu ai;

o galuega ‘ae popoto ia mea uma lava.

10A o le ALI‘I o le Atua moni ia,

o ia lava le Atua soifua ma le Tupu e fa‘avavau.

O lona to‘asā e gatete ai le lalolagi,

e le lavā fo‘i e nu‘u ‘ona tali i lona to‘atama‘i.

11‘Ia fa‘apea ‘ona ‘outou fai atu ‘iā te i latou: O atua na lē faia le lagi ma le lalolagi, e fano i latou i le lalolagi ma lalo fo‘i o lenā lagi.O le Pese e Vivi‘i atu ai i le Atua

12Na faia e ia le lalolagi i lona mana,

na fa‘atumauina e ia le atu laulau i lona poto,

na fofolaina fo‘i e ia le lagi i lona fa‘autauta.

13‘Ua tulei mai lona si‘ufofoga,

‘ona tele ai lea o le vai i le lagi.

E ‘ava‘e fo‘i e ia o le ‘ausa mai tulu‘iga o le lalolagi;

e faia e ia le uila ‘atoa ma le ‘ua,

e ‘aumaia fo‘i e ia le matagi mai ana mea e teu ai ‘oloa.

14‘Ua ta‘itasi ma valea tagata uma e leai so latou poto;

‘ua ta‘itasi ma fa‘amāina fo‘i tufuga fai mea u‘amea ‘ona o le tupua ‘ua ta;

auā o le mea pepelo lana tupua u‘amea,

e leai fo‘i se mānava ‘iā te i latou.

15E fa‘atauva‘a ia mea, o le galuega e tauemua;

e fano lava i latou i ona po e tauia ai i latou.

16E lē pei o ia mea le tofi o Iakopo;

auā o ia lava na faia mea uma;

o Isaraelu fo‘i o le to‘oto‘o lea o lona tofi;

o le ALI‘I o ‘au o lona suafa lea.

‘Ua Latalata mai lava le Tāfeaga

17‘Inā fa‘apotopotoina ia o au mea mai le nu‘u, o oe na lē nofo i le ‘olo.

e matuā leaga lo‘u manu‘a;

o a‘u fo‘i, na ‘ou fa‘apea ane,

“E moni, o le puapuagā lava lenei,

‘ae ‘ou te fa‘ato‘ato‘a pea i ai.”

20‘Ua fa‘atafunaina lo‘u fale ‘ie,

‘ua motusia a‘u maea uma.

‘Ua ō ‘ese la‘u fānau ‘iā te a‘u,

o i latou fo‘i ‘ua leai.

E leai fo‘i se tasi na te toe tōina lo‘u fale ‘ie

ma ‘ava‘e o‘u ‘ie puipui.

21Auā ‘ua vālelea le ‘au leoleo mamoe,

ma latou le sā‘ili i le ALI‘I.

O le mea lea e le manuia ai i latou,

e fa‘ata‘ape‘apeina fo‘i la latou lafu mamoe uma.

22O le logo o le tala, fa‘auta, ‘ua o‘o mai,

o le vāvāō tele fo‘i mai le nu‘u i le itū i matū.

E faia fo‘i ‘a‘ai o Iuta ma mea e fa‘atafunaina,

o le mea e fale ‘ai luko.

23Le ALI‘I e,

‘ua ‘ou iloa e lē o i le tagata lona ala,

e lē o i le tagata e savali ‘ona fa‘atonuina le mea e ui ai o ia.

24Le ALI‘I e, ‘ia e a‘oa‘i mai ‘iā te a‘u,

tau lava ‘ina faia ma le fa‘atatau;

‘ae ‘aua ma lou to‘asā,

‘ina ne‘i e fa‘ato‘aitiitia o a‘u.

25‘Ia e sasa‘aina atu lou to‘asā i luga ō atu nu‘u ‘ua lē iloa oe,

i luga fo‘i o ‘āiga ‘ua lē vala‘au atu i lou suafa.

Auā ‘ua latou ‘aina Iakopo,

‘ua latou ‘aina lava o ia ma ‘ua fa‘aumatia o ia,

ma le mea sa nofo ai o ia ‘ua latou fa‘atafunaina.