Malaki 2 - Revised Samoan Catholic Bible

O le A‘oa‘iga i Ositaulaga

1O lenei fo‘i, ‘ua ‘iā te ‘outou le ‘au ositaulaga lenei poloa‘iga.

5Sa ‘iā te ia la‘u feagaiga o i ai le ola ma le manuia; na a‘u avatu ia mea ‘iā te ia ‘ona o lona mata‘u na mata‘u ai o ia ‘iā te a‘u; ‘ua ia matuā mata‘u i lo‘u igoa.

8A o ‘outou, ‘ua ‘outou ō ‘ese i le ala, ma ‘outou fa‘atausuai i ē to‘atele i le tulafono; ‘ua leaga ‘iā te ‘outou le feagaiga a Levi, ‘ua fetalai mai ai le ALI‘I o ‘au.

9O a‘u fo‘i, ‘ua ‘ou tu‘uina atu ‘outou ‘ia ‘inosia ma ta‘ufa‘atauva‘aina ‘outou e le nu‘u uma, e pei ‘ona ‘outou lē tausi i o‘u ala ma ‘outou fa‘ailogaina tagata i le tulafono.‘Ua lē Fa‘amaoni Tagata i le Atua

10E lē ‘ua to‘atasi ‘ea le Tamā o i tatou uma lava. E lē faia ‘ea i tatou e le Atua e to‘atasi? Pe se a le mea ‘ua tatou fa‘a‘ole‘ole ai le tasi i le tasi i lo tatou soli o le feagaiga a o tatou tamā?

17‘Ua ‘outou fa‘atigā i le ALI‘I ‘iā ‘outou ‘upu; a ‘ua ‘outou fai mai, “‘Ua matou fa‘atigā ‘iā te ia i ni a?” ‘Ua fa‘atigā ‘iā te ia ‘ina ‘ua ‘outou fai ane; “O i latou uma o ē fai mea leaga, e lelei i latou i luma i le ALI‘I, ‘ua fiafia fo‘i o ia ‘iā i latou;” pe fa‘apea ane ‘outou, “O ifea le Atua, o lē fa‘amasino?”