Salāmo 110 - Revised Samoan Catholic Bible

O le Manuia tele o le Mālō o le MesiaO le salāmo a Tavita

1‘Ua tulei mai le afioga a le ALI‘I i lo‘u Ali‘i,

“‘Ia e nofo i lo‘u itū taumatau,

se‘ia ‘ou faia ē ‘ua ita ‘iā te oe

ma mea e tu ai ou vae.”

2E ‘auina atu e le ALI‘I lou to‘oto‘o malosi mai Siona?

‘ia pule oe i totonu o ē ita ‘iā te oe.

3E fai taulaga ma le loto ou tagata

i le aso o lou malosi

i au mea pa‘ia e matagofie.

Mai le manava o le vave ao;

e ‘iā te oe le sau o lou taule‘ale‘a.

4‘Ua tautō le ALI‘I, e lē salamō lava ia,

“O oe lava o le ositaulaga e fa‘avavau,

e uiga fa‘atasi ma Mekisateko.”

5O le Ali‘i o lo‘o i lou itū taumatau,

e fasi e ia o tupu i le aso o lona to‘asā.

6E fa‘amasino e ia o nu‘u ‘ese,

e fa‘atumuina e ia i tino o tagata ‘ua oti,

e foa‘iina e ia ulu o nu‘u e tele.

7E inu ia i le alia i le ala,

o le mea lea e ea ai lona ao.