2 Nofoa‘iga a Tupu 7 - Revised Samoan Catholic Bible

O le Fa‘aulufalega o le Malumalu(1 Tu 8.62-66)

1‘Ua fa‘ai‘u e Solomona lana tatalo, ‘ona pa‘ū ifo ai lea o le afi mai le lagi, ‘ua fa‘aumatia ai le taulaga mū ma taulaga; ‘ua tumu fo‘i le fale i le pupula o le ALI‘I.

4‘Ona fai taulaga lea i luma o le ALI‘I o le tupu, ‘atoa ma le nu‘u uma.

7‘Ua fa‘apa‘iaina fo‘i e Solomona i totonu o le lotoā i luma o le fale o le ALI‘I; auā na osia ai e ia o taulaga mū ma ga‘o o taulaga fa‘afetai, auā o le fatafaitaulaga ‘apamemea na faia e Solomona e le‘i ofi ai taulaga mū ma taulaga i mea e ‘ai ma ga‘o.

8O ona po ia na fai ai e Solomona ‘atoa ma Isaraelu uma fa‘atasi ma ia o le tausamiga e fitu ona aso, o le fa‘apotopotoga tele lava, e gata mai i le mea e ui atu ai i Amato, e gata mai i le alia o Aikupito.

19“‘Ae ‘āfai tou te liliu ‘ese ma tu‘ua a‘u tulafono ma a‘u poloa‘iga, ‘ua ‘ou tu‘uina atu i o ‘outou luma, ma ‘outou ō atu ma ‘au‘auna atu i atua ‘ese ma ifo ‘iā te i latou;

20‘ona ‘ou lia‘iina atu lea o i latou a‘i lo‘u lau‘ele‘ele ‘ua ‘ou foa‘iina atu ‘iā te i latou; o lenei fale fo‘i, ‘ua ‘ou fa‘apa‘iaina mo lo‘u igoa, ‘ou te lafoa‘i atu ai i o‘u luma ma ‘ou faia ma ‘upu fa‘atusa ma tauemuga i nu‘u uma lava.Teu 28.37; 29.28; Paru 2.6-7

21O lenei fale fo‘i, o lo‘o ‘ua maualuga, e fai ma mea e ofo ai i latou uma o ē ui ane ai ma fai ane, ‘Se a le mea ‘ua fa‘apea ai ‘ona fai e le ALI‘I i lenei nu‘u ma lenei fale?’Teu 29.24; Iere 22.8-9; Paru 2.15

22‘Ona tali mai lea o i latou, ‘Auā ‘ua latou tu‘ua le ALI‘I le Atua o latou tamā o lē na ‘aumai ‘iā te i latou nai le nu‘u o Aikupito ma latou tāofi i atua ‘ese, ma ifo atu ‘iā te i latou ma ‘au‘auna atu ‘iā te i latou; o le mea lea ‘ua fa‘ao‘oina ai e ia lenei malaia uma ‘iā te i latou.’”