Fa‘aaliga 14 - Revised Samoan Catholic Bible

O le Tama‘i Mamoe ma ona Tagata

1Na a‘u iloa, fa‘auta fo‘i, ‘ua tu mai le Tama‘i Mamoe i le mauga o Siona, ‘ua fa‘atasi fo‘i ma ia tagata e selau afe ma afe e fa sefulu ma le fa o afe, ‘ua tusia le suafa o lona Tamā i o latou muaulu.O le Tolu o Agelu

6Na a‘u iloa fo‘i le tasi agelu ‘ua lele i le taulotoaiga o le lagi, ‘ua ‘iā te ia le tala lelei e fa‘avavau e folafola atu i ē nonofo i le lalolagi i atunu‘u uma, ma itū‘āiga, ma gagana ‘ese‘ese, ma nu‘u.

7‘Ua fa‘apea atu ma le leo tele, “‘Ia ‘outou matata‘u i le Atua, ma avatu ‘iā te ia le vi‘iga, auā ‘ua o‘o mai le itū aso o lana fa‘amasinoga; ma ‘ia ‘outou ifo i lē na faia le lagi, ma le fanua, ma le sami, ‘atoa ma puna o vai.”

8‘Ona mulimuli atu ai lea o le tasi agelu, ‘ua fa‘apea atu, “‘Ua pa‘ū, ‘ua pa‘ū Papelonia o le ‘a‘ai tele, auā ‘ua ia fa‘ainu i nu‘u uma i le uaina o le to‘asā i lana faita‘aga.”

9‘Ona mulimuli atu ai lea ‘iā te i lā‘ua o lona to‘atolu o agelu, ‘ua fa‘apea atu ma le leo tele, “‘Ai se tasi e ifo i le manu fe‘ai ma lona fa‘atagata, ma talia le fa‘ailoga i lona muaulu po o lona lima,

10e inu lava ia i le uaina o le to‘asā o le Atua, ‘ua liligiina atu e lē suia i le ipu o lona to‘asā, o puapuagātia fo‘i ia i le afi ma le teiō i luma o le ‘au agelu pa‘ia ma luma o le Tama‘i Mamoe.

12O le mea lenei ‘ua fia maua ai le ‘onosa‘i o le ‘au pa‘ia; o ē ‘ua tausi i poloa‘iga a le Atua ma le fa‘atuatua ‘iā Iesu.

13Na ‘ou fa‘alogo fo‘i i le leo mai le lagi, ‘ua fa‘apea mai ‘iā te a‘u, “‘Ia e tusi: ‘Amu‘ia e ‘ua oti, o ē ‘ua oti o i le Ali‘i”

“E amata i nei ona pō o lea lava,” ‘ua fetalai mai ai le Agaga. “‘Ina ‘ia latou mālōlō ‘iā latou galuega tigā; auā fo‘i o a latou galuega fo‘i e mulimuli ‘iā te i latou.”

O le Taimi o le Seleselega

14Na a‘u iloa fa‘auta fo‘i, o le ao sinasina, ‘ua ti‘eti‘e fo‘i i le ao le tasi ‘ua pei o le Atali‘i o le tagata, ‘ua i lona ao le paleali‘i auro, ‘ua i lona ‘a‘ao fo‘i le selesaito ma‘ai.