Baruch Fa‘atomuaga - Revised Samoan Catholic Bible

Fa‘atomuagaO le Tusi a Paruka e lē maua i le Tusi Pa‘ia Eperu ‘ae maua i le Tusi Pa‘ia Eleni. I le fa‘atulagaina o le Tusi Pa‘ia Eleni e soso‘o ma le tusi a Ieremia ‘ae o le Tusi Pa‘ia Latina e soso‘o ma le tusi a Auega. I ‘upu tomua o le tusi e fa‘ailoa mai ai o le tusi sa tusia e Paruka le failautusi a Ieremia i Papelonia (1.1-14; Iere 32.12; 36.4) a o tāfea tagata Iutaia i lea atunu‘u. Sa ‘auina atu Paruka i Ierusalema ‘ina ‘ia faitauina le tusi i tagata Iutaia i ni fa‘atasiga fa‘alelotu. E ta‘ua e Paruka le tāua o le ola tatalo, le poto ‘ae maise o le fa‘atuatua moni i le Atua. E i ai le talitonuga sa tusia lenei tusi i le gagana Eperu i se vaitaimi umi ‘ae sa tu‘ufa‘atasia i le tusi e tasi po o le ogātotonu o le seneturi muamua T.L.M.O le Fa‘asologa o Matā‘upu:‘Upu tomua 1.1-14O le tatalo 1.15—3.8O le vi‘ia o le poto 3.9—4.4O le fa‘amafanafanaga o Ierusalema 4.5—5.9O le tusi a Ieremia 6.1-72