1 Nofoa‘iga a Tupu 5 - Revised Samoan Catholic Bible

O le Gafa o Reupena

1O atali‘i o Reupena le ulumatua a Isaraelu, auā o ia lava le ulumatua; a ‘ua leaga ‘iā te ia le moega o lona tamā, na avatu ai lona tofi o le ulumatua i atali‘i o Iosefa o le atali‘i o Isaraelu; e le‘i tusia fo‘i le gafa e fa‘atatau i le tofi o le ulumatua.O le Gafa o Ioelu

4O atali‘i o Ioelu; o Semaia lona atali‘i, o Koku lona atali‘i, o Semi lona atali‘i,

5o Mika lona atali‘i, o Reaia lona atali‘i, o Paala lona atali‘i,

6o Peira lona atali‘i o lē na ‘avea fa‘atagataotau‘a e Tikila-pilesa le tupu o Asuria. O ia le ali‘i sili o sa Reupenā.O le Gafa o Kato

11O le fānauga a Kato sa nonofo fa‘afeagai ma i latou i le lau‘ele‘ele o Vasana e o‘o i Saleka. O Tagata o le Itū‘āiga o Manase mai Sasa‘e

23‘Ua nonofo le fānauga a le tasi vaega o le itū‘āiga o Manase i le nu‘u, e āfua mai i Vasana e o‘o atu i Paala-heremone ma Senira ma le mauga o Heremone; ‘ua fa‘ato‘ateleina i latou.