1‘Ua pule fo‘i Setekaia le tupu le atali‘i o Iosia e sui a‘i Konia le atali‘i o Ioakima, ‘ua tofia fo‘i o ia e fai ma tupu i le nu‘u o Iuta e Nepukanesa le tupu o Papelonia.
6‘Ona o‘o mai ai lea o le afioga a le ALI‘I ‘iā Ieremia le perofeta, ‘ua fa‘apea mai:
7O lo‘o fa‘apea ‘ona fetalai mai o le ALI‘I, le Atua o Isaraelu: ‘Ia fa‘apea ‘ona ‘outou fai atu i le tupu o Iuta, o lē na ‘auina mai ‘outou ‘iā te a‘u e fesili mai ‘iā te a‘u, Fa‘auta, o le itūtau‘a a Farao, o lo‘o ‘ua ō mai e fesoasoani ‘iā te ‘outou, e fo‘i atu i latou i lo latou nu‘u o Aikupito.‘Ua Fa‘afalepuipuiina Ieremia
11‘Ua ō ‘ese le itūtau‘a a Kaletaia i Ierusalema ‘ona o le itūtau‘a a Farao,
12‘ona alu atu ai lea o Ieremia nai Ierusalema, e alu i le nu‘u o Peniamina, ‘ia maua e ia lona tofi i lea mea i totonu o le nu‘u.
14A ‘ua fai atu Ieremia, “Tala pepelo; ‘ou te lē sola ‘iā Kaletaia.” ‘Ae lē fa‘alogo o ia ‘iā te ia; a ‘ua pu‘e Iria ‘iā Ieremia ma ‘aumai ‘iā te ia i ali‘i.
17‘Ona ‘a‘au mai lea e Setekaia le tupu nisi e ‘a‘ami ‘iā te ia; ‘ua fesili fa‘alilolilo fo‘i le tupu ‘iā te ia i lona fale, ‘ua fa‘apea mai, “Pe i ai ‘ea se afioga mai le ALI‘I?”
‘Ona fai atu ai lea o Ieremia, “E i ai lava;” ‘ua fai atu fo‘i o ia, “E tu‘uina oe i le lima o le tupu o Papelonia.”
18‘Ua fai atu fo‘i Ieremia ‘iā Setekaia le tupu, “Se a ‘ea se mea ‘ua ‘ou agaleaga ai ‘iā te oe, po o au ‘au‘auna, po o lenei nu‘u, ‘ina ‘ua ‘outou tu‘uina o a‘u i le fale puipui?
19O fea o i ai fo‘i a ‘outou perofeta, na vavalo ‘iā te ‘outou, ‘ua fa‘apea, ‘E lē sau le tupu o Papelonia e tau ma ‘outou ma le nu‘u nei?’
Who We AreWhat We EelieveWhat We Do
2025 by iamachristian.org,Inc All rights reserved.
