Levitiko 23 - Revised Samoan Catholic Bible

O Tausamiga i le Ali‘i

1‘Ua fetalai mai fo‘i le ALI‘I ‘iā Mose, ‘ua fa‘apea mai:

2Fai atu ia i le fānauga a Isaraelu, ‘ia fa‘apea atu ‘iā i latou, O tausamiga i le ALI‘I tou te tala‘i ai, o fa‘apotopotoga pa‘ia, o tausamiga lava ia ‘iā te a‘u.

3E ono aso e fai ai galuega; a o le aso fitu, o le sapati lea e mālōlō ai, e fai ai le fa‘apotopotoga pa‘ia, ‘aua tou te fai ai se galuega e tasi; o le sapati lea i le ALI‘I i mea uma tou te nonofo ai.Aso Fa‘amanatu o le Seleselegāsaito(Nume 28.26-31)

15‘Ia ‘outou faitaulia e amata i le aso e aupito mai i le sapati, o le aso lava na ‘outou ‘aumai ai le fusi saito o le taulaga lūlū; ‘ia ‘ato‘atoa o sapati e fitu.Aso Fa‘amanatu o le Tausaga Fou(Nume 29.1-6)

23‘Ua fetalai mai fo‘i le ALI‘I ‘iā Mose, ‘ua fa‘apea mai:

24Fai atu ia i le fānauga a Isaraelu, ‘ia fa‘apea atu, o le fituga masina, o le aso muamua o le masina, ‘ia ‘outou fai ai se sapati, o le fa‘amanatuga i le iligāpu, o le fa‘apotopotoga pa‘ia.

25‘Aua tou te fai ai se galuega mamafa e tasi, a ‘ia ‘outou avatu se taulaga e fai i le afi i le ALI‘I.

O le Aso mo le Togiola o Agasala(Nume 29.7-11)

26‘Ua fetalai mai le ALI‘I ‘iā Mose, ‘ua fa‘apea mai:

39O le aso sefulu ma le lima o le fituga masina, pe a uma ‘ona fa‘aputuina e ‘outou le fua o le fanua, ‘ia ‘outou faia lava se tausamiga i le ALI‘I i aso e fitu; o le aso muamua e fai ma sapati lea, i le ma le aso valu e fai ma sapati fo‘i lea.

40O le aso muamua fo‘i tou te ‘ave ai fua o la‘au matagofie, o lau pama, ma la o la‘au felefele, ma garava mai le alia ma ‘ia ‘outou ‘oli‘oli i luma o le ALI‘I lo ‘outou Atua i aso e fitu;Teu 16.14-15; Nee 8.15-18

41ma ‘ia ‘outou fai ai le tausamiga i le ALI‘I i aso e fitu i lea tausaga ma lea tausaga; o le tulafono e fa‘avavau i o ‘outou tupulaga amulī; ‘ia ‘outou faia le tausamiga i le fituga masina.

42Tou te nonofo i fale apitaga i aso e fitu, o tama a le ‘ele‘ele uma i Isaraelu latou te nonofo i fale apitaga;

43‘ina ‘ia iloa e o ‘outou tupulaga amulī na ‘ou fa‘anofo ai le fānauga a Isaraelu i fale apitaga, ‘ina ‘ua ‘ou ‘aumai ‘iā i latou a‘i le nu‘u o Aikupito: O a‘u o le ALI‘I lo ‘outou Atua.

44‘Ona ta‘u atu lea e Mose i le fānauga a Isaraelu o tausamiga i le ALI‘I.