Ieremia 11 - Revised Samoan Catholic Bible

O le Apoapoa‘iga a le Atua ‘iā Iuta ‘ona o lo latou Soli i lana Feagaiga

1O le afioga na o‘o mai ‘iā Ieremia mai le ALI‘I, ‘ua fa‘apea mai:

2‘Inā fa‘alogologo mai ia ‘outou i ‘upu o lenei feagaiga ma ‘ia ‘outou fai atu ai i tagata o Iuta ma ē o nonofo i Ierusalema;

6‘Ona fetalai mai ai lea o le ALI‘I ‘iā te a‘u: ‘Inā tala‘i atu ia nei ‘upu uma i ‘a‘ai o Iuta ma ala o Ierusalema, ‘ia fa‘apea atu: ‘Ia ‘outou fa‘alogo i ‘upu o lenei feagaiga ma ‘ia ‘outou faia.

7Auā na ‘ou matuā fai atu i o ‘outou tamā i le aso na ‘ou ‘aveina a‘e ai i latou mai le nu‘u o Aikupito, ‘ua o‘o lava i le aso nei, ‘ua ‘ou ala fai atu lava, ‘ua fa‘apea atu, ‘Inā fa‘alogo mai ia i lo‘u leo.‘Ua Lamatia le Ola o Ieremia

18‘Ua fa‘ailoa mai e le ALI‘I ‘iā te a‘u ‘ina ‘ia ‘ou iloa;

‘ona e fa‘aalia mai ai lea ‘iā te a‘u o a latou amioga.

19A o a‘u, ‘ua pei o se tama‘i mamoe lata ‘ua ta‘ita‘iina ‘ia fasia;

na ‘ou lē iloa fo‘i ‘ua mafaufau e i latou i ni togafiti e leaga ai a‘u,

‘ua fa‘apea, “Se‘i tatou fa‘aumatia le la‘au ma ona fua

ma tatou vavae‘eseina o ia a‘i le nu‘u o tagata ola,

‘ina ‘ia lē toe manatua lava lona igoa.”

20A o oe, le ALI‘I o ‘au,

o le fa‘amasino amiotonu,

o lē tofotofo i le manatu ma le loto,

e iloa e a‘u lau taui ma sui ‘iā te i latou;

auā ‘ua ‘ou fa‘aalia la‘u finauga ‘iā te oe.

21O le mea lea, o lo‘o fa‘apea ‘ona fetalai mai ai o le ALI‘I i tagata o Anatota, o ē sā‘ili‘ili e fasioti ‘iā te oe, ‘ua fa‘apea, “‘Aua ‘e te vavalo mai i le suafa o le ALI‘I, ‘ina ne‘i oti oe i o matou lima.”

22O le mea lea o lo‘o fa‘apea ‘ona fetalai mai ai o le ALI‘I o ‘au: Fa‘auta, ‘ou te taui atu ‘iā te i latou; e oti taulele‘a i le pelu; e oti fo‘i o latou atali‘i ma o latou afafine i le oge.

23E leai ni o latou e totoe; auā ‘ou te fa‘ao‘o le malaia i tagata o Anatota, o le tausaga lava e tauia ai i latou.