Iosua 3 - Revised Samoan Catholic Bible

‘Ua o‘o le Nu‘u o Isaraelu i le Vaitafe o Ioritana

1‘Ua tula‘i Iosua i le taeao lava; ‘ua tu‘ua e i latou o Setima, ma ō atu i Ioritana, o ia ‘atoa ma le fānauga uma a Isaraelu, ‘ua latou nonofo ai i lea mea a o le‘i sopo‘ia atu e i latou o Ioritana.

2‘Ua mavae aso e tolu, ‘ona feoa‘i lea o le ‘au faipule i le toagalauapi;

9‘Ona fai atu ai lea o Iosua i le fānauga a Isaraelu, “‘Inā fa‘alatalata mai ia ‘i‘inei, ma fa‘alogo mai i afioga a le ALI‘I lo ‘outou Atua.”

10‘Ua fai atu fo‘i Iosua, “O le mea lenei tou te iloa ai ‘ua ‘iā te ‘outou le Atua soifua, e matuā tulia fo‘i o ia i o ‘outou luma o sa Kananā, ma sa Hetī, ma sa Hivī, ma sa Perisē, ma sa Kirekasē, ma sa Amorī, ma sa Iepusē;