1Le ‘au uso e, ‘ou te fa‘ailoa atu ‘iā te ‘outou le tala lelei na ‘ou folafolaina atu ‘iā te ‘outou, na ‘outou talia fo‘i, o lo‘o tumau i ai fo‘i ‘outou,
2‘ua fa‘aolaina ai fo‘i ‘outou; pe ‘āfai tou te tāofi mau i le matā‘upu na folafolaina e a‘u ‘iā te ‘outou; pe ‘āfai ‘ua ‘outou lē talia fua.
3Auā na ‘ou tu‘uina atu ‘iā te ‘outou mea muamua o mea fo‘i ia na ‘ou maua fo‘i e a‘u; na maliu Keriso mo a tatou agasala, pei ‘ona tusia;
8E mulimuli lava ‘ona iloa o ia e a‘u nei, e peiseaī se tama fānau lē au.
9Auā o a‘u o le aupito itiiti o le ‘au ‘aposetolo; e lē aogā ‘ona ta‘ua o a‘u o le ‘aposetolo, auā na ‘ou sauā atu i le ekalesia a le Atua.
33‘Aua ne‘i fa‘asesēina ‘outou, “O lē feoa‘i ma ē amio leaga e leaga ai amio lelei.”
34‘Inā ala mai ia i le amiotonu, ‘ae ‘aua ne‘i agasala; auā ‘ua pouliuli nisi i la le Atua; ‘ou te fa‘apea atu ‘iā te ‘outou ē fa‘amā ‘iā te ‘outou.O le Toetū A‘e o le Tino
35‘Ae fai mai se tasi, “Pe fa‘apefea ‘ona toe tutū mai o ē ‘ua oti? Se a fo‘i le uiga o le tino latou te ō mai ai?”
36O oe nā le valea: o le mea e lūlūina e oe e lē ola lea pe ‘āfai e lē pala.
39‘Ua lē tino e tasi tino uma lava; ‘ae ‘ese le tino o tagata, ‘ese le tino o manu, ‘ese le tino o i‘a, ‘ese le tino o manu felelei.
40E i ai fo‘i tino fa‘alelagi ma tino fa‘alelalolagi; ‘ae ‘ese le matagofie o le fa‘alelagi, ‘ese lo le fa‘alelalolagi.
41E ‘ese le pupula o le lā, ‘ese fo‘i le pupula o le masina, ‘ese fo‘i le pupula o fetū; auā ‘ua ‘ese le pupula o le tasi fetū i lo le tasi fetū.
42E fa‘apea fo‘i le toe tutū mai o ē ‘ua oti; e lūlūina ma le pala, e toe fa‘atūina mai ma le lē pala.
43E lūlūina ma le matagā, e toe fa‘atūina mai ma le matagofie; e lūlūina ma le vaivai, e toe fa‘atūina mai ma le malosi.
51Fa‘auta mai, ‘ou te ta‘u atu ‘iā te ‘outou le mea lilo; e lē momoe i tatou uma, ‘ae liua i tatou uma,
Le oti e, o fea o i ai lou tui?”
56O le tui o le oti, o le agasala lea o le malosi fo‘i o le agasala o le tulafono lea;
57‘ae fa‘afetai i le Atua, o lē na te foa‘iina mai le manumālō ‘iā te i tatou e ala mai i lo tatou Ali‘i o Iesu Keriso.
58O lenei, o‘u uso pele e, ‘ia ‘outou tumau ma le lē fa‘agae‘etia, ‘ia alualu lo ‘outou fa‘amalosi i le galuega a le Ali‘i ma le lē aunoa ‘ina ‘ua ‘outou iloa e lē se mea fa‘alēaogā lo ‘outou tautigā i le Ali‘i.
Who We AreWhat We EelieveWhat We Do
2025 by iamachristian.org,Inc All rights reserved.