1‘Ona ulufafo lea o Iesu, ‘ua maliu ‘ese i le malumalu; ‘ona ō mai ai lea o ona so‘o ‘iā te ia e fa‘asino ‘iā te ia i fale o le malumalu.
2A ‘ua fetalai atu Iesu ‘iā te i latou, “‘Ua ‘outou lē iloa ‘ea nei mea uma? E moni, ‘ou te fai atu ‘iā te ‘outou, e lē toe i ai se ma‘a i luga o le tasi ma‘a, ‘ae uma ‘ona sōloia i lalo.”O Tigā ma Puapuagā(Mare 13.5-13; Luka 21.7-19)
3‘Ua nofo o ia i le mauga o Olive, ‘ona ō mai ai lea o le ‘au so‘o ‘iā te ia ‘ua nā o i latou, ‘ua fa‘apea mai, “‘Ia e fetalai mai ‘iā te i matou pe o‘o afea ia mea? Pe se a fo‘i le fa‘ailoga o lou maliu mai ma le gata‘aga o le lalolagi?”
4‘Ona tali atu ai lea o Iesu, ‘ua fa‘apea atu ‘iā te i latou, “‘Ia ‘outou, ne‘i fa‘asesēina ‘outou e se tasi.
5Auā e to‘atele e ō mai i lo‘u igoa, ‘ua fa‘apea ane, ‘O a‘u nei o le Keriso;’ latou te fa‘asesēina fo‘i tagata e to‘atele. O le Afio mai o le Atali‘i o le Tagata(Mare 13.24-27; Luka 21.25-28)
29“A mavae atu le puapuagā o ia ona aso,
‘ona fa‘apogisāina loa lea o le lā,
e lē susulu mai fo‘i le masina,
e pa‘u‘ū fo‘i fetū mai le lagi,
e lūlūina fo‘i ‘au a le lagi.
30‘Ona iloa ai lea i le lagi o le fa‘ailoga o le Atali‘i o le tagata; ‘ona taufaitagitu‘i ai lea o itū‘āiga uma o le lalolagi; ‘latou te iloa atu fo‘i le Atali‘i o le tagata ‘ua sau i ao o le lagi’ ma le mana ma le mamalu tele.
31E ‘a‘auina atu fo‘i e ia o ana agelu ma le leo tele o le pū, latou te fa‘apotopoto fo‘i i ē ‘ua filifilia e ia mai matāmatagi e fa, e amata i le tasi tulu‘iga, o le lagi e o‘o i le tasi tulu‘iga.O le A‘oa‘oga mai le Mati(Mare 13.28-31; Luka 21.29-33)
32“‘Ia ‘outou mataulia le fa‘ata‘oto i le mati; pe a fa‘ato‘ā tutupu ona tātupu ma matala mai ona lau, tou te iloa ai ‘ua latalata le tau vevela.
33E fa‘apea fo‘i ‘outou, pe a ‘outou iloa ia mea uma, tou te iloa ai, ‘ua latalata o ia, ‘ua i faitoto‘a lava.
34E moni ‘ou te fai atu ‘iā te ‘outou, E lē mavae atu lava lenei tupulaga, se‘ia o‘o mai nei mea uma.
35E mavae atu le lagi ma le lalolagi, a o a‘u ‘upu e lē mavae atu lava ia.
E Leai se Tasi e Iloa le Aso ma le Itūlā(Mare 13.32-37; Luka 17.26-30, 34-36)36“A o lea aso ma lea itū aso e lē iloa e se tasi, e lē iloa lava e agelu i le lagi, ‘ua nā o lo‘u Tamā lava.
44O le mea lea ‘ia ‘outou nofo sauni ai; auā o le itū aso tou te lē mānatunatu ai e sau ai le Atali‘i o le tagata.O le ‘Au‘auna Fa‘amaoni ma le ‘Au‘auna lē Fa‘amaoni(Luka 12.41-48)
45“O ai fo‘i le ‘au‘auna fa‘amaoni ma le mafaufau, ‘ua tofia e lona ali‘i e pule i ana ‘au‘auna, ‘ia avatu a latou mea e ‘ai i ona itū aso?
46‘Amu‘ia lea ‘au‘auna, pe a sau lona ali‘i e maua o ia o lo‘o fa‘apea ‘ona fai.
47E moni, ‘ou te fai atu ‘iā te ‘outou, e tofia o ia e pule i ana mea uma.
48‘Ae ‘āfai e fai ifo lea ‘au‘auna leaga i lona loto, ‘E fa‘atuai mai lo‘u ali‘i;’Fai 8.11
49‘ona fasi ai lea e ia i ona uso a ‘au‘auna, ‘ua ‘a‘ai fo‘i ma inu fa‘atasi ma ē ‘o‘onā;
50e sau lava le ali‘i o lea ‘au‘auna i le aso e lē fa‘atalitali atu ai o ia, o le itū aso fo‘i e lē iloa ai e ia,
51‘ona matuā fa‘asala lea ‘iā te ia ma avatu ‘iā te ia lona tofi fa‘atasi ma tagata fa‘afiaamiotonu; e i ai le taufaitagiauē ma le lilivau o nifo.
Who We AreWhat We EelieveWhat We Do
2025 by iamachristian.org,Inc All rights reserved.
