Sakaria 14 - Revised Samoan Catholic Bible

O le Mālō o le Mesia. O le Taui o ē ita ‘iā Ierusalema. O lo Latou Liliu mai i le Ali‘i

1Fa‘auta, o le a o‘o mai le aso o le ALI‘I, e tufaina ai i totonu ‘iā te oe o lou ‘oa o le a vetea.

6E o‘o lava i lea aso, e lē i ai le malamalama o mea aogā, a o le pouliuli lava;

7‘ae o‘o mai le aso, e tasi lava ia, (‘ua silafia lava e le ALI‘I,) e lē o le ao, e lē o le po; ‘ae a o‘o i le itū aso afiafi e malamalama ai.

8O lea aso fo‘i e alu atu ai le vai ola nai Ierusalema; o le tasi ‘elia vaega e tafe atu i le sami i sasa‘e, a o le isi ona vaega e tafe atu i le sami i sisifo o le tausaga vevela ma le tausaga ma‘alili e fai ai ia mea.

10E liua le nu‘u uma pei o le fanua laugatasi, e pau mai i Kepa e o‘o i Rimoni i le itū i saute o Ierusalema; e fa‘aeaina fo‘i o ia, ma nofo i lona lava nu‘u, o pau mai i le faitoto‘a o Peniamina e o‘o i le mea sa i ai le faitoto‘a anamua, e o‘o i le faitoto‘a o tulimanu e pau mai fo‘i i le ‘olo o Hananiali, e o‘o i le tu‘ugāuaina a le tupu.

12O lenei le mala e taia a‘i e le ALI‘I o nu‘u uma e tau ma Ierusalema; e lāuvale lava o latou tino, a o tutū i o latou vae; e totō o latou mata i mea e tutū ai, ma o latou laulaufaiva e fa‘aumatia ia i o latou gutu.

13O lea aso fo‘i e i ai ‘iā te i latou le atuatuvale tele mai le ALI‘I; ‘ona ta‘itasi ai lea ma tago o le tasi i le lima o le tasi; e ta‘itasi fo‘i ma si‘i i luga o latou lima o le tasi i le tasi.