Teuteronome 31 - Revised Samoan Catholic Bible

‘Ua Filifilia Iosua e sui ‘iā Mose(Nume 27.12-23)

1‘Ua alu atu fo‘i Mose, ma fai atu i ‘upu nei ‘iā Isaraelu uma.

2‘Ua fa‘apea atu ‘iā te i latou: “O o‘u tausaga ‘ua selau ma le luafulu ia i le aso nei; ‘ou te lē toe lava ‘ona ‘ou alu atu ma toe sau; ‘ua fetalai mai fo‘i le ALI‘I ‘iā te a‘u, ‘‘E te lē sopo‘ia atu lenei Ioritana.’O le Tulafono e tatau ‘ona Faitauina i Tausaga uma e Fitu

9‘Ua tusia fo‘i e Mose lenei tulafono, ‘ona avatu ai lea i le ‘au ositaulaga o le fānauga a Levi, o ē tau‘ave le ‘atola‘au o le feagaiga a le ALI‘I, ‘atoa fo‘i ma toeaina uma o Isaraelu.

10‘Ua fai atu fo‘i Mose ‘iā te i latou, ‘ua fa‘apea atu, “A uma tausaga e fitu, pe a o‘o i le fa‘apotopotoga i le tausaga o le fa‘asa‘olotoga, i le tausamiga o fale apitaga,O Fa‘atonuga mulimuli a le Ali‘i ‘iā Mose

14‘Ua fetalai mai le ALI‘I ‘iā Mose, “Fa‘auta, ‘ua lata mai lou aso ‘e te oti ai; ‘ia e vala‘au ‘iā Iosua, ma ‘ia ‘oulua tutū mai i le fale fetāfa‘i o le fa‘apotopotoga, ‘ina ‘ia ‘ou poloa‘i atu ‘iā te ia.” ‘Ona ō ai lea o Mose ma Iosua, ‘ua la tutū mai i le fale fetāfa‘i o le fa‘apotopotoga.

15‘Ona fa‘aali mai lea o le ALI‘I i le fale fetāfa‘i i le ao fa‘aniutū; ‘ua tu fo‘i le ao fa‘aniutū i le faitoto‘a o le fale fetāfa‘i.

16‘Ona fetalai mai lea o le ALI‘I ‘iā Mose, “Fa‘auta, o le a e ta‘oto fa‘atasi ma ou tamā; ‘ona tutū lea o lenei nu‘u, ma latou mulilulua i atua o tagata ‘ese o le nu‘u latou te o i ai, o fa‘atasi ai ma i latou, latou te lafoa‘i mai fo‘i ‘iā te a‘u, ma latou soli i la‘u feagaiga na ‘ou osia ma i latou.

24‘Ua uma fo‘i ‘ona tusia e Mose o ‘upu o lenei tulafono i le tusi, ‘ua o‘o ‘ina ‘atoa,

25‘ona fai atu lea o Mose i sa Levī, o ē sa tau‘ave le ‘atola‘au o le feagaiga a le ALI‘I, ‘ua fa‘apea atu,

26“‘Ia ‘outou ‘ave le tusi o lenei tulafono, ma tu‘u ai i le itū o le ‘atola‘au o le feagaiga a le ALI‘I lo ‘outou Atua, ‘ina ‘ia i ai ē fai ma molimau ‘iā te oe.

27Auā ‘ua ‘ou iloa lou fouvale, ma lou ua ma‘a‘a; fa‘auta, o lo‘o fouvale ‘outou i le ALI‘I, o lo‘o o tatou ola fa‘atasi i le aso nei; e le atili ai ‘ea pe a ‘ou oti?

30‘Ua fai atu fo‘i Mose a o fa‘alogologo mai le fa‘apotopotoga uma o Isaraelu o ‘upu o lenei pese, ‘ua o‘o ‘ina ‘atoa.