1 JUAN MAYÏR QILLQATAPA - Qullan Arunaka DC
MAYÏR QILLQATAPAQALLTA ARUNAKAAka qillqatan p'iqiñchäwi arunakapax munasiñawa, ukhamat Diosar chiqpach uñt'añat uñacht'ayañataki. “Diosax munasiñawa”, khitinakatix jilapar munki jupanakakiw Diosarux chiqpachan uñt'apxi. Aka qillqat qillqirix pä k'ari yatichäwiruw arusxatäna, nayraqatax khitinakatix sapkäna: “aka uraqix janiw walïkiti” sasa. Ukxarusti, khitinakatix sapkäna: “Jesusax Diosan Yuqapäkasin janiw jaqirux tukkaspati, qhispiyasiñax janiw akapachatakïkiti, janirakiw jaqinakatakïkisa, Diosar uñt'añax amuyunak utji” sasa.Ukatsti qillqirix qhanampita, ch'amakampit amuyt'anak churäna, ukhamat iyawsirinakax qhanan jakapxañapataki, “Diosan qhanätap layku” (cap. 1). Payïr jaljansti, jilapur munasiñxat parli, ukatsti Cristor jan uñt'ir tukurinakan uñstatapat parlaraki, uka tuqitsti, juk'amppachax 4.1-6 ukanakan parli. Diosan wawanakapax munasiñ uñacht'ayañapa, Jesucristor iyawsasa, Diosan arsutanakap phuqhasa, maynit maynikam munasisa (cap. 3; 4.7-21). Aka qillqatax iyawsañax atipt'irïtapat qhanañchasaw tukt'ayi, ukatsti yaqhip iwxa arunakampi kunaw yapxataraki (cap. 5).
