SALMOS 15 - Qullan Arunaka DC

SALMO 15Kuntix Diosax jaqit suyki uka 1a Davidan q'uchupa.

1 Tatay,

¿khitirak qullan utaman jakaspasti?,

¿khitirak qullan qulluman utjasispasti?

2Khititix juch jan luras jakki uka,

khititix aski lurasapun sarnaqki uka,

khititix taqi chuymamp chiqap arski uka;

3khititix jaqi masipar jan k'arintki uka,

jilaparus jan ñanqha lurki uka,

uta jak'a masiparus jan jisk'achki uka;

4khititix ñanqha lurañarux jisk'achki uka,

Tatitur axsartirirus jach'añchki uka;

khititix jan walir purkasas arsutap phuqki uka;

5khititix qullqi mayt'asin jalaqtap jan apski uka,

jan juchanir aynacht'ayañatak qullqi jan katuqaski uka.

Khititix ukham lurasapun sarnaqki ukaxa,

janipuniw aynacht'kaniti.