1 Arxatir Tatituxay,
jumaruw art'asinsma.
¡Janikiy mayisitaxar jan ist'irix tukumti!
Janitix ist'kitasma ukasti,
jiwatanakampi chikäxiristwa.
2Arnaqt'asis yanap mayisksma ukapachax ist'akitaya,
qullan utam uñkatat
amparanakax aytankta ukapachax jaysakitaya.
3Janikiy qhuru jaqinakamp chika qatatistati,
janikiy ñanqha luririnakampis chikachasiyistati,
pata chuymakiw jaqi masipampi sumankirix tukupxi,
chuymapasti ñanqhan phuqhantatawa.
4Luratanakaparjam jupanakarux uñjam;
jan wali sarnaqäwiparjam uñjam;
jan wali luratanakaparjam mutuyam.
5Jupanakax janiw Diosan luräwinakapat amtasipkiti,
janiw luratanakapat yatiñ munapkiti,
¡jupay jan mayampitak jupanakar tukjpan!
6¡Tatitux qullanäpan!,
jupaw mayisitaxarux ist'i;
7Tatituw jach'a ch'aman arxatirixaxa;
juparuw taqpach katuyasta, jupasti yanapt'ituwa.
Chuymaxax kusisitawa,
Tatituruw q'uchü, yuspagararakï.
8Tatituw markapar ch'amañchirixa,
juparakiw ajllit reyipar yanapirisa, arxatirisa.
9Tatay, markamarux qhispiyakimaya;
jumar iyawsirinakar askinak churam.
Mä awatirjamay jupanakar uñjam;
¡wiñayapun amparamamp irpam!
Who We AreWhat We EelieveWhat We Do
2025 by iamachristian.org,Inc All rights reserved.
