1 CRÓNICAS 24 - Qullan Arunaka DC

1Aarón chachat saraqir wawanakapax maykip lurañanakanïnwa. Aarón chachan wawanakapax Nadab, Abihú, Eleazar, Itamar jupanakänwa.

2Ukampis Nadab, Abihú jupanakax janïr awkipax jiwkän ukkhaw jiwxapxäna, janiw wawanakapax utjkänti, Eleazar, Itamar jupanakaw sacerdoten lurañanakap phuqhapxäna.

3Davidasti Sadoc chachan yanapapampi, Eleazar, Ahimélec, Itamar chachanakat saraqir wawanakapampix lurañanakap maykip phuqhañatakiw jalanuqäna.

4Ukampis Eleazar chachat saraqir yuqall wawanakapax Itamar chachat sipan waljanïtap amuyapxäna, ukhamasti Eleazar chachat saraqir wawanakapat suxta irpirinakakiw utjäna, Itamar chachat saraqir wawanakapat kimsaqallquniraki.

5Maykip lurañanakap taqiniw suertetkam wakt'ayasipxäna, Eleazar chachat saraqir wawanakap tuqitsa, Itamar tuqitsa Diosan qullan yänakap apnaqirinakaw utjatayna.

6Ukatsti Semaías qillqirixa, Natanael chachan yuqapa, levitanakat maynïrïnwa, jupaw reyin nayraqatapan sutinak qillqantäna: jilïrinakan sutinakapa, Sadoc sacerdoten sutipa, Abiatar chachan Ahimélec yuqapan sutipa, sacerdotenakan wila masi jilïrinakapan sutinakapa, levitanakan sutinakapa. Maykip lurañanakasti suertetkam apsutänwa, Eleazar chachat saraqir wawanakapatakix pä kuti lurañ wakt'ayapxäna, Itamar chachat saraqir wawanakapatakisti mä kutiraki.

7-18Suertenak apsutarjamasti, maykip lurañanakax mayat pä tunka pusinkamax akhamaw wakt'äna:

Joiarib

Jedaías

Harim

Seorim

Malquías

Mijamín

Cos

Abías

Jesús

Secanías

Eliasib

Jaquim

Hupá

Jesebab

Bilgá

Imer

Hezir

Pisés

Petahías

Hezequiel

Jaquín

Gamul

Delaías

Maazías jupanaka.

19Ukhamaw Tatitun utapan lurañatakix maykip jalanuqasipxäna, kunjämtix Israelan Tatit Diosapax Aarón chacha tuqi nayra awkinakapar siskatayna ukhamaru.

20Levitanakat qhiparapkän ukanakax akanakänwa: Subael, jupax Amram chachat saraqir wawapänwa; Jehedías, jupax Subael chachat saraqirïnwa;

21Isías jupax, Rehabiasanakan jilïripänwa;

22Selomot, jupax Ishar chachat saraqirïnwa; Jáhat, jupax Selomot chachat saraqirïnwa;

23Hebrón chachat saraqir wawanakapa: Jerías jupax nayrirïnwa; payïrix Amarías; kimsïrix Jahaziel; pusïrix Jecamán jupanakänwa.

24Ukankapxarakïnwa: Micaías, Uziel chachan yuqapa; Samir, Micaías chachan yuqapa;

25Isaías, Micaías chachan jilapa; Zacarías, Isaías chachan yuqapa;

26Merarí chachan Mahli, Musí, yuqanakapa; Jaazías chachan yuqanakapa, jupax Merarí chachan yuqaparakïnwa.

27Merarí chachat saraqir wawanakapasti, Jaazías tuqit jupan yuqapa: Sóham, Zacur, Ibrí;

28Mahli tuqitsti, Eleazar jupasti janiw wawanakanïkänti,

29ukatsti Quis; Jerahmeel, Quis chachan yuqapa;

30Musí chachan wawanakapa: Mahli, Éder, Jerimot. Jupanakaw levita wila masinakäpxäna.

31Ukhamarakiw jupanakax suertetkam lurañanak jalanuqasipxäna, jilïrin wila masinakapasa, sullka jilan wila masinapasa, uka kipkarak Aarón chachat saraqir wawanakapan wila masinakapasa, uksti David reyina, Sadoc, Ahimélec, sacerdotenakan wila masipa jilïrinakana, levitanakan nayraqatapan lurapxäna.