1 CRÓNICAS 9 - Qullan Arunaka DC

1Ukhamaw taqi Israelitanakax Israel markan reyinakan qillqatapar qillqantatäna.Babilonia markat kutt'anirinaka(Neh 11.1-24)

Judá chiqankir jaqinakax jucha lurapxatap laykuw Babilonia markar apatäpxäna.

2Israelitanaka, sacerdotenaka, levitanaka, Tatitun utapa luqtirinakaw wasitat kuttanisin uraqinakaparu, markanakapar nayraqat utjantasipxäna.

3Jerusalén markansti Judá, Benjamín, Efraín, Manasés ayllut saraqir wawanakapaw utjantasipxäna.

4Judá chachat saraqir wawanakapa: Utai, Amihud chachan wawapa, jupax Omrí chachan wawapänwa, jupax Imrí chachan wawapa, jupax Baní chachan wawapa, Fares chachat saraqir wawanakapatxa, Judá chachan wawapa.

5Silonitanakatxa, Asaías jupax jilïrïnwa.

6Zérah chachat saraqir wawanakapatxa: Jeuel chachampi wila masinakapampix suxta patak llätunka tunkanïnwa.

7Benjamín chachat saraqir wawanakapatxa: Salú, Mesulam chachan wawapa, jupax Hodavías chachan wawapa, jupax Senúa chachan wawapa;

8Ibneías, Jeroham chachan wawapa; Elá, Uzí chachan wawapa, jupax Micrí chachan wawapa; Mesulam, Sefatías chachan wawapa, jupax Reuel chachan wawapa, jupax Ibnías chachan wawapa.

9Jupanakan wila masinakapax taqpachanix llätunk pataka phisqa tunka suxtanïnwa, Taqi jupanakasti wila masinakapan jilïripänwa.

10Sacerdotenakatxa: Jedaías, Joiarib, Jaquín,

11Azarías, Hilquías chachan wawapa, jupax Mesulam chachan wawapa, jupax Sadoc chachan wawapa, jupax Meraiot chachan wawapa, jupax Ahitub chachan wawapa, Diosan utapan wakiskir jilïrirakïnwa;

12Adaías, Jeroboam chachan wawapa, jupax Pashur chachan wawapa, jupax Malquías chachan wawapa; Masai, Adiel chachan wawapa, jupax Jahzera chachan wawapa, jupax Mesulam chachan wawapa, jupax Mesilemit chachan wawapa, jupax Imer chachan wawapänwa;

13jupanakan wila masinakapax waranqa paqallq pataka suxta tunkanïnwa, wila masinakapatxa jupanakaw jilïrïnxa, Tatitun utapan luqtañatak suma yatichat chachanakänwa.

14Levitanakatxa: Semaías, Hasub chachan wawapa, jupax Azricam chachan wawapa, jupax Hasabías chachan wawapa, Merarí chachan wila masipata;

15Bacbacar, Heres, Galal, Matanías, Micaías chachan wawapa, jupax Zicrí chachan wawapa, jupax Asaf chachan wawapa;

16Abdías, Semaías chachan wawapa, jupax Galal chachan wawapa, jupax Jedutún chachan wawapa; Berequías, Asá chachan wawapa, jupax Elcaná chachan wawapa, Elcanax netofatitas sat jisk'a markanakapan jakäna.

17Punku uñjirinaka: Salum, Acub, Talmón, Ahimán. Salum, jupanakan jilapa, jupaw jupan irpiripänxa,

18jichhürkamas reyin punkup uñjiripawa, inti jalsu tuqinkki uka. Taqi jupanakax levitanakan campamentonakapan punkunakap uñjirïpxänwa.

19Salum, Coré chachan wawapa, jupax Ebiasaf chachan wawapa, jupax Coré chachan wawapa, coreítas wila masinakapax Tatitun utapar mantañ punkup uñjirinakänwa, kunjämatix nayra awkinakapax Tatitun campamentopar mantañap uñjapkän ukhama.

20Ukat nayrasti, Finees, Eleazar chachan wawapa, jupaw jupanakan jilïripäna. ¡Tatitux jupampïpan!

21Zacarías, Meselemías chachan wawapa, jupaw Diosampi Jikisiñ Carpa punku uñjirïna.

22Punku uñjir ajllitanakax taqpachanix pä patak tunka payanïnwa, kawkha markanakantix wila masinakax qillqatäpkän ukhamaru. Davidampi, Samuel profetampiw uk lurañatakix utt'ayäna, wali sum lurirïpxatap layku.

23Jupanakampi, wawanakapampix maykipaw Tatitun utapar mantañ uñjapxirïna.

24Punku uñjirinakax pusi tuqinpach utjäna: inti jalanta tuqina, inti jalsu tuqina, amsta tuqina, aynach tuqina.

25Markanakapan jakapkän uka wila masinakapax sapa paqallq urut yanapt'irix jutapxirïna.

26Ukampis punku uñjir pusi levitanakax jan phist'ayasaw utanakapa, Diosan utapan imat yänak uñjapxirïna.

27Paqar arumaw Tatitun utapar muyukipat qhantatipxirïna, jupanakaw uñjañataki, sapa qhantatinak punku jist'arañatakix uchatänxa.

28Yaqhipanakax Tatitur yupaychañatak yänakax utjki uk uñjañatak uchatänwa, jupanakaw jakt'askam apsupxirïna, imapxirïna.

29Mayninakasti yaqha yänakata, qullan yänakata, jak'uta, vinota, aceiteta, inciensota, q'apkir qullanaka uñjañatak uchatänwa.

30Yaqhip sacerdotenakax q'apkir qullanak wakichapxäna,

31ukatsti coreitanakat Salum chachan jilïri Matatías sat levita yuqapaw waxt'äwitak tortanak lurirïna.

32Quehatitas wila masinakapat yaqhipax luqtañ t'ant'anak wakichañatak uchatänwa, sapa samarañ urun t'ant'anak siqik uchañataki.

33Q'uchurinakax utjarakïnwa, jupanakax levita wila masinakapan jilïripänwa, jupanakasti Tatitun utapan utjki uka utanakan jakapxäna, jupanakax uruy arumasa luräwip phuqhapxäna, janiw yaqha lurañanïpkänti.

34Qillqantatarjamasti, Tatitun utapan luqtirinakax Leví chachan wawanakapänwa, wila masinakapan jilïrinakapa, jupanakasti Jerusalén markan jakapxäna.

Saúl reyin wila masinakapa(1 Cr 8.29-40)

35Gabaón markan Jehiel chachax jakäna, jupax Gabaón chachan awkipänwa. Warmipax Maacá satänwa.

36Wawanakapasti akanakänwa: Abdón, tayna yuqall wawapa, Sur, Quis, Baal, Ner, Nadab,

37Gedor, Ahió, Zacarías, Miclot,

38jupax Simam chachan awkipänwa. Jilanakapar uñtas sarnaqasaw Jerusalenan jupanakampix jakapxäna.

39Ner jaqix Quis chachan awkipänwa, Quis jaqix Saúl chachan awkipänwa, Saúl chachax Jonatán, Malquisúa, Abinadab, Es-baal jupanakan awkipänwa.

40Jonatanax Merib-baal chachan awkipänwa, jupax Micaías chachan awkipänwa.

41Micaías chachan wawanakapa: Pitón, Mélec, Tarea, Ahaz.

42Ahaz jaqix Jará chachan awkipänwa, Jará chachax Alémet, Azmávet, Zimrí jupanakan awkipänwa; Zimrí jaqix Mosá chachan awkipänwa,

43Mosá jaqix Biná chachan awkipänwa, jupax Refaías chachan awkipa, jupax Elasá chachan awkipa, jupasti Asel ukan awkiparakïnwa.

44Asel chachan wawanakapax suxtanïnwa: Azricam, Bocrú, Ismael, Searías, Abdías, Hanán.