1 1 (2) Tatitux llakisiñaman jumarux ist'pan;
Jacobun pachpa Diosapax jumar arxatpan.
2 2 (3) Qullan chiqawjatpach yanap apayanpan,
Sión qullutpach jumarux yanappan.
3 3 (4) Taqpach luqtäwinakamat jupax amtaspan,
wilañcha luqtatanakamax jupar kusisiypan.
4 4 (5) Chuymaman munataparjam phuqpan,
taqi amtäwinakam phuqhasiypan.
5 5 (6) Atipjatamat taqpachaniw kusisipxä,
Tatitusan sutiparusti wiphalanak khiwtapxä,
¡Tatitux taqpach mayisitanakamar jayspan!
6 6 (7) Jichhakuchaw amuyta,
Tatitux ajllit reyiparuw atipt'ayani;
qullan alaxpachatpach juparux ist'ani,
ch'amapampiw jach'a atipt'äwinak churani.
7 7 (8) Yaqhipanakax nuwasiñ carronakanïpxiwa,
yaqhanakasti walja caballonakanïpxiwa;
jiwasanakasti Tatit Diosasan yanapt'apanïtanwa.
8 8 (9) Jupanakax tinkurayataw uñjasipxi,
jiwasanakasti ch'aman sayt'atakïsktanwa.
9 9 (10) Tatay, ¡reyirux atipjañ ch'am churam!
¡Mayisipkäm ukapachasti, ist'apxakitaya!
Who We AreWhat We EelieveWhat We Do
2025 by iamachristian.org,Inc All rights reserved.