SALMOS 132 - Qullan Arunaka DC

SALMO 132Davidatak Diosan arsüwinakapa 1a Jerusalén markar makhatirinakan q'uchupa.

1 Tatay,

Davidat amtasikimaya,

llakinakapatsa amtasikimaya;

2Jacobun taqi Ch'aman Tatitupa,

taqpach chuymamp juramento luratapat amtasikimaya:

3“Janiw utaxar mantkäti,

janiw samart'añatakis ikintkäti,

4janiw nayranakax ch'irmthapkäti,

janirakiw ikkäsa,

5Tatitutak mä chiqawja jikxatañkama,

Jacobun taqi Ch'aman Diosapatak

mä utjäwi jikxatañkama” sasa.

6Efrata chiqawjan arust'äwi arcat ist'apxta,

Quiriat-jearim uraqin uk jikxatapxarakta.

7Ukat sapxta: ¡Tatitun qullan utapar mantapxañäni!

¡Jupan nayraqatapar killt'asipxañäni! sasa.

8Tatay, qullan arcamampiy sartasim,

kawkharutix samarkäta uka qulluruy jutam.

9Sacerdotenakamax chiqa kankañ isimp isthapisipxpan,

jumar iyawsirinakax kusisiñat art'asipxpan.

10David uywatamar munasitam laykux,

janikiy ajllit reyimatakix mays uñtamti.

11Tatitux juramentompiw David reyirux arsüna,

uka arsutapatsti janiw yaqha amtkaniti:

12“Juman saraqirinakamat mayniruw reyi qunuñamar qunt'ayä.

Wawanakamatix arust'äwi arunakaxar phuqhapxani,

yatichäwi arunakaxar phuqhapxarakin ukaxa,

wawanakaman wawanakapas

wiñayaw reyi qunuñaman qunt'asipxani” sasa.

13Tatituw Jerusalenarux ajllisi,

ukan jakañatakiw jupax chhijllasi,

akham saraki:

14“Akaw wiñayatak nayan utjäwixaxa;

akawjan jakä, nayar kusisiyatap layku.

15Manq'añanakaparux askinakampiw phuqhantä,

jan utjirin jaqinakaparusti manq'ampiw sisarayä.

16Sacerdotenakaparux qhispiyasiñ isimpiw isthapiyä,

chiqa arkirinakaparusti kusisiñampiw art'asiyä.

17Ukawjan Davidan ch'amap wasitat sartayä.

Ajllit reyixatakix mä qhana wakicharapï.

18Timanakaparusti p'inqa tukuñampiw phuqhantä,

Davidarusti k'ajkir pillumpiw asxatä” sasa.