1 SAMUEL QALLTA ARUNAKA - Qullan Arunaka DC
QALLTA ARUNAKASamuel chachax irpirinak taypitxa qhip qhipäkis ukawa, Israel markan profetanakap taypinsti, jupaw jach'a profetat uñt'atarakïna. Aka mayïr qillqatapanxa, kunjämsa Israel markax jilïrinakan apnaqatäsin reyinïña qalltxi ukanakat parlistu. Uka urunakan Israel markax mayaki sartasxäna, Diosaw jupanakarux mayitaparjama mä rey churäna, sutipasti Saúl satänwa.Samuel qillqatanxa, kimsa jilïrinakat parlistu: Samuel, Saúl, David ukanakata. 1-7 uka jaljanakansti Samuelun yurïwipata, Israel markar irpatapat parlarakistu. 8-15 uka jaljanakansti Saúl reyin Israel markar apnaqatapata, ukatsti Saúl reyin Tatitur jan taqi chuyma yupaychatap layku juk'at juk'ata aynacht'awayatapata. 16-30 uka jaljanakansti Davidan reyïtapaw uñstaraki. Qhipa jaljansti (31) Saúl reyina, wawanakapan jiwarxatapat parlistu.Samuel qillqatanxa uñacht'ayistuw kunjämsa Diosax markapar khuyapt'ayasïna kunapachatix markapax jupar taqi chuymampi yupaychkäna ukkhaxa, ukhamarak kunjämsa Israel markax t'aqhisiraki kunapachatix Diosat jayarst'käna ukapachaxa, taqi ukanakat parlistu.