2 PEDRO QALLTA ARUNAKA - Qullan Arunaka DC
QALLTA ARUNAKAAka qillqatax Tatitur iyawsirinakar qillqatawa. Uka urunakansti k'ari yatichirinakaw iglesianakarux kunayman yatichäwinakampi mantantapxäna, ukatsti jan wali sarnaqañanak utjayapxarakïna. Aka qillqat qillqiristi uk uñjasinxa, Cristonkirinakaruw iyawsañapan ch'amañchäna, ukhamarak khitinakatix Cristo pachpar nayranakapamp uñjapkäna ukanakar chiqa yatichäwinakampiw ch'amañcharakïna. Mä k'ari yatichäwiw ukürunakan sartäna: “Tatitun wasitat jutañapax janiw chiqäkiti” sasa, uksti, Tatitun jan jank'a jutatapat ukham parlapxäna.Ukxarusti, qillqirix iyawsirin aski luräwinakapat parlaraki: Iyawsañata, suma sarnaqañata, amuyt'añata, jiwaspach sum apnaqasiñata, llamp'u chuymanïñata, Diosar munañata, jilapurjam sarnaqañata, munasiñata (cap. 1). Ukatsti k'ari yatichirinakxat arsuraki (cap. 2); tukuyarusti Tatitun jutañapan chiqätapat amuyt'ayi, ukatsti Jesucriston jutañapax kunatsa jan jank'äpacha uka tuqit akham sas qhanañcht'araki; Diosax taqinin jupan ukar kutkatxañap muni, ukhamat juchanakapan pampachatäñapataki, ukatsti janirak juk'amp juch lurxapxañapataki, ukat Jesucristox jutañap jan jank'achkiti sasaw qhanañchi (cap. 3).
