NEHEMÍAS 10 - Qullan Arunaka DC

1 1 (2) Arust'äwi qillqataru sutinakap qillqantirinakax akanakänwa: Naya, marka apnaqir Nehemías, Hacaliasan yuqapa, ukhamaraki Sedequías. Sacerdotenakatxa,

2 2 (3) Seraías, Azarías, Jeremías,

3 3 (4) Pashur, Amarías, Malquías,

4 4 (5) Hatús, Sebanías, Maluc,

5 5 (6) Harim, Meremot, Abdías,

6 6 (7) Daniel, Guinetón, Baruc,

7 7 (8) Mesulam, Abías, Mijamín,

8 8 (9) Maazías, Bilgai, Semaías, ukanaka.

9 9 (10) Levitanakatsti Azanías chachan Josué yuqapa, Henadad, Cadmiel chachanakat saraqir Binuy;

10 10 (11) ukhamarak jilanakapa, Sebanías, Odías, Quelitá, Pelaías, Hanán,

11 11 (12) Micaías, Rehob, Hasabías,

12 12 (13) Zacur, Serebías, Sebanías,

13 13 (14) Hodías, Baní, Beninu, ukanaka.

14 14 (15) Markan jilïr irpirinakapatsti: Parós, Pahat-moab, Elam, Zatú, Baní,

15 15 (16) Binuy, Azgad, Bebai,

16 16 (17) Adonías, Bigvai, Adín,

17 17 (18) Ater, Ezequías, Azur,

18 18 (19) Odías, Hasum, Besai,

19 19 (20) Harif, Anatot, Nebai,

20 20 (21) Magpías, Mesulam, Hezir,

21 21 (22) Mesezabel, Sadoc, Jadúa,

22 22 (23) Pelatías, Hanán, Anaías,

23 23 (24) Oseas, Hananías, Hasub,

24 24 (25) Halohés, Pilhá, Sobec,

25 25 (26) Rehúm, Hasabná, Maaseías,

26 26 (27) Ahías, Hanán, Anán,

27 27 (28) Maluc, Harim, Baaná, ukanaka.

Dios nayraqatan phuqhañatak yaqha arsüwinaka

28 28 (29) Ukat ukxar markachirinakasti, sacerdotenaka, levitanaka, punku uñjirinaka, q'uchurinaka, Tatitun utapan yanapirinaka, khitinakatix uka chiqankir jaqinakat Tatitun kamachi arunakapa phuqhañataki saraqtanipkatayna, warminakapamppacha, ukhamaraki amuyt'asiri yuqalla, imill wawanakapamppachax,

29 29 (30) wila masinakaparu, jilïrinakaparuw mayachasipxäna, ukatsti kuntix Diosax Moisés luqtirip tuqi kamachinak churkatayna ukarjam sum sarnaqañatakiw juramento lurapxäna, ukhamarak Tatitusan taqi kamachinakapsa, arunakapsa, arsüwinakapsa phuqhañataki.

30 30 (31) Ukhamarusa, nanakax taqiniw arsupxta, imill wawanakaxaru, jani yaqha markanakankir jaqinakampi jaqichañataki, janiraki jupanakan imill wawanakapasa yuqall wawanakaxampi jaqichasipxañapataki.

31 31 (32) Ukhamaraki, sábado urunsa, mä phunchhäwi urunsa, yaqha markankir jaqinakax achunakapa, ukhamaraki kunaymani granonaksa aljañataki apanipkaspa ukkhaxa, jan kuns jupanakat alasiñataki; uka pachparaki, paqallqüri maranxa uraqi samarayañataki, taqi manunak pampachañataki.

32 32 (33) Tatitusan utapan lurañanakatakisti, sapa mara pusi gramo qullqi churañ amtasipxarakta:

33 33 (34) Nayraqatapankir t'ant'ataki, sapüru granonaka waxt'äwitaki, nakt'ayat luqtäwitaki, sábado urunakan wilañchataki, machaq phaxsita waxt'äwinakataki, ukhamarak uruyañ phunchhäwinakatakisa; ukatsti kunayman waxt'äwinakataki, Israel markan juchanakapat pampachäwi jikxatañapatak wilañcha luqtañataki, ukhamaraki Tatitusan utapan taqi luräwinakapatakisa.

34 34 (35) Ukatsti sacerdotenakasa, levitanakasa, markachirinakamp chikaw suertet jaqtapxta, wakisitaparjam sapa mara Tatitusan utapar lawa apañataki, Tatitu Diosasan altarapan nakt'ayañataki, kamisatix kamachin qillqatäki ukhamarjama.

35 35 (36) Ukatsti amtasipxaraktwa Tatitun utapar yapunakaxat sapa mara nayrïri achunakampi, quqanakaxat nayrïr muxsa achunakampi apañataki,

36 36 (37) ukhamaraki jilïri wawanakaxaru Tatitusan utapar irpañataki, ukatxa vacanakaxana, ovejanakaxan nayrïri qallunakap Tatitun utapan luqtir sacerdotenakan nayraqatapar apañatakisa, kunjämatix kamachin qillqatäki ukhamarjama.

37 37 (38) Tatitusan utapan utjir pirwanakapatakisti nayrïr trigo achut lurat jak'u, taqi quqanakan nayrïr achunakapata, nayrïri vinota, nayrïr aceitet apañatakiw amtasipxarakta, taqi ukanaksti sacerdotenakar churañataki, ukatsti yapunakaxat achur juyranakat sapa tunkat maya, levitanakatak apañataki, jupanakaw taqi yapunakat sapa tunkat mayäki ukanak apthapirixa.

38 38 (39) Levitanakax sapa tunkat may apthapir sarapkani ukkhasti, Aarón chachat saraqir mä sacerdotew jupanakamp chika sararakini. Ukatsti levitanakax apthapitanakat Tatitusan utapan utjir pirwanakaparuw sapa tunkat mayäki ukan sapa tunkïrip apapxañapa.

39 39 (40) Israelitanakampi, levitanakampix trigo, vino, aceite, churäwinak pirwanakar apapxani, kawkhantix qullan yänakax imatäki ukaru, sacerdotenakasa, punku uñjirinakasa, q'uchurinakas ukankapki ukaru. Ukatsti nanakax Tatitun utap janipun apanukuñatakiw amtasipxarakta.