SALMOS 75 - Qullan Arunaka DC

SALMO 75Diosax taripiriwa 1 Asaf chachan q'uchupa.

1 1 (2) Diosay,

yuspagarapxsmawa,

sutim aytasipxta,

muspharkañ luräwinakam q'uchupxta.

2 2 (3) Tatitux siwa:

“Wakiskani ukapachaw,

chiqa kankañampi taripä.

3 3 (4) Aka uraqix jaqinakapamppach khathatki ukkhaxa,

nayaw saphitpach thuruñchiripätxa” sasa.

4 4 (5) Jach'a jach'a tukur jaqinakarux sistwa:

“Jan jach'achasipxamti;

ñanqha lurir jaqinakarusti saraktwa:

p'iq jan waytapxamti;

5 5 (6) munañanïtamat jan ukataq p'iq waytapxamti,

janirak q'añu arunak parlirïpxamti” sasa.

6 6 (7) Yanapax janiw inti jalsutsa,

inti jalantatsa jutkiti,

janirakiw wasaratsa, qullunakatsa jutkiti,

7 7 (8) jan ukasti, taripir Diosat juti:

mayninakarux aynacht'ayiwa,

yaqhanakarusti jach'aruw aptaraki.

8 8 (9) Tatitux wali q'apisitawa,

mutuyañatakix jank'akiwa.

May chuym ch'amakt'ayasin ukkhasti,

jan khuyapt'ayasisaw q'apisiñapampix

ñanqha lurir jaqinakar mutuyani.

9 9 (10) Nayasti Jacobun Diosapat yatiyä,

q'uchunak jupatakiw q'uchurakï;

10 10 (11) jupaw ñanqha lurir jaqinakan munañap tukjani,

aski jaqin ch'aman kankañapsti jilxatayaniwa.