PROVERBIOS QALLTA ARUNAKA - Qullan Arunaka DC
QALLTA ARUNAKAProverbios qillqatax jaqin yatiñ kankañap tuqit parlistu. Uka yatiñ kankañax jaqin yatiñapakïkaspas ukhamawa, ukampis uka yatiñ kankañax Diosat juti, janiw jaqin yatiñapakïkiti jan ukasti pachpa Diosaw jaqir uka yatiñ kankañ churi.Kunayman yatichäwinakaw Proverbios qillqatan utji, uka yatichäwinakax taqi jaqitaki askiwa. Jaqix uka qillqatan wali suma iwxanak jikxataspa. Uka iwxanakax Diosat jutir arunakawa. Akapach yatiñanakax juk'atakikiwa, tukusirikirakiwa, ukampis chiqpach yatiñ kankañan qalltapax Diosar axsartañampi, jupar jaysañampiwa.Chiqpach yatiñanïñ munirixa, nayraqatax Diosar axsartas sarnaqañapawa. Aka qillqatax Salomón reyin qillqatawa, yaqhip säwinakasti yaqhanakan qillqatarakiwa.