NÚMEROS QALLTA ARUNAKA - Qullan Arunaka DC
QALLTA ARUNAKAAka qillqatax Israel markan jaqinakapar jakthapïwit parlistu. Ukan jikxatapxtan Moisesan pä kuti jaqinakar jakthapitapata, nayrïr jakthapïwix Sinaí qullut janïr sartawayapkän ukapachaw lurasïna, payïr jakthapïwisti Moab uraqin jikxatasipkän ukapacharakiw lurasïna, Jordán jawirat inti jalsu tuqina. Payïr qallta jaljanakanxa, Israelan jaqinakapan suma jakthapitätapa, soldadonakapas qawqhas utji ukas suma jakt'atätapa ukanakxat jikxatapxaraktan. Mä tuqitxa Números qillqatax Éxodo qillqatan tukuyapäkaspas ukhamarakiwa. Israelitanakan wasaran sarnaqäwipat taqpach qillqatawa, Sinaí qullut sartawayasin Jordán jawirat inti jalsu tuqir puripkän ukkhakama. Ukapachkamasti pusi tunka maraw sarakipawayxäna, jupanakax jawir khurkatar makhatañatak wakichatäpxarakïnwa, Tatitun arsut uraqir mantañatakisa.Qallta llätunka jaljanakanxa, Israel markan wasitat sartawayxañatak wakichasipxatapat parlistu, Tunka kamachinak katuqapkänsa ukapacha, payïr Pascua uruyapkän uka qhipata. Ukxar tunka payan jaljanakansti, kunatix Sinaí qullut sartawayasina, Moab uraqir puriñkam sarnaqäwinakapan luraskän ukxat parlistu. Tukuya pusi jaljanakansti, Jordán jawira janïr makhatkasin, iwxt'äwi arunak katuqapxatapat parlarakistu.Números qillqatanxa kunjämtix Israel markax wasaran sarnaqas t'aqhiskän ukanakxat parlarakistu, ukat wali aytat qillqataxa.