1 CRÓNICAS 6 - Qullan Arunaka DC

Leví chachan sacerdote wawanakapan sutinakapa

1 1 (27) Leví chachan wawanakapa: Guersón, Quehat, Merarí.

2 2 (28) Quehat chachan wawanakapa: Amram, Ishar, Hebrón, Uziel.

3 3 (29) Amram chachan wawanakapa: Aarón, Moisés, María. Aarón chachan wawanakapa: Nadab, Abihú, Eleazar, Itamar.

4 4 (30) Eleazar jaqix Finees chachan awkipänwa, Finees jaqisti Abisúa chachan awkipänwa,

5 5 (31) Abisúa jaqix Buquí chachan awkipänwa, Buquí jaqisti Uzí chachan awkipänwa,

6 6 (32) Uzí jaqix Zeraías chachan awkipänwa, Zeraías jaqisti Meraiot chachan awkipänwa,

7 7 (33) Meraiot jaqix Amarías chachan awkipänwa, Amarías jaqisti Ahitob chachan awkipänwa,

8 8 (34) Ahitob jaqix Sadoc chachan awkipänwa, Sadoc jaqisti Ahimaas chachan awkipänwa,

9 9 (35) Ahimaas jaqix Azarías chachan awkipänwa, Azarías jaqisti Johanán chachan awkipänwa,

10 10 (36) Johanán jaqix Azarías chachan awkipänwa, jupasti Salomonax Jerusalenan Tatitun utap luraykäna ukan sacerdotënwa.

11 11 (37) Azarías jaqix Amarías chachan awkipänwa, Amarías jaqisti Ahitob chachan awkipänwa,

12 12 (38) Ahitob jaqix Sadoc chachan awkipänwa, Sadoc jaqisti Salum chachan awkipänwa,

13 13 (39) Salum jaqix Hilcías chachan awkipänwa, Hilcías jaqisti Azarías chachan awkipänwa,

14 14 (40) Azarías jaqix Seraías chachan awkipänwa, Seraías jaqisti Josadac chachan awkiparakïnwa.

15 15 (41) Josadac chachax jaya markar katuntat apayatänwa, Tatitux Judá markaru, Jerusalén markar Nabucodonosor reyimpi katuntat apaykän ukkha.

Leví chachat saraqirinaka

16 16 (1) Leví chachan wawanakapaxa: Guersón, Quehat, Merarí jupanakänwa.

17 17 (2) Guersón chachan wawanakapa: Libní, Simí.

18 18 (3) Quehat chachan wawanakapa: Amram, Ishar, Hebrón, Uziel.

19 19 (4) Merarí chachan wawanakapa: Mahli, Musí.

Jupanakaw Leví chachan wawanakapänxa.

20-21 20-21 (5-6) Guersón chachan wawanakapaxa: Libní, Jáhat, Zimá, Joah, Idó, Zérah, Jeatrai jupanakänwa.

22-24 22-24 (7-9) Quehat chachan wawanakapa: Aminadab, Coré, Asir, Elcaná, Ebiasaf, Asir, Táhat, Uriel, Uzías, Saúl.

25-27 25-27 (10-12) Elcaná chachan wawanakapa: Amasai, Ahimot. Ahimot chachan wawanakapa: Elcaná, Sofai, Náhat, Eliab, Jeroham, Elcaná.

28 28 (13) Samuel chachan wawanakapa: Vasní, jilïr wawapa, Abías, sullkïr wawapa.

29-30 29-30 (14-15) Merarí chachat saraqir wawanakapa: Mahli, Libní, Simí, Uzá, Simá, Haguías, Asaías.

Davidan utt'ayat Diosan utapan q'uchurinaka

31 31 (16) Davidax q'uchunak sarayañatakix q'uchurinak utt'ayäna, kunapachattix arcax Tatitun utapan uchatäkän ukkhatpacha.

32 32 (17) Jupanakax Tatitumpi Jikisiñ Carpa nayraqatan q'uchupxäna, Salomonan Tatitun utap Jerusalenan lurañapkama, ukatsti saräwirjamax ukawjan luqtasipkakïnwa.

33 33 (18) Wawanakapampi ukankapkän uka q'uchurinakax akanakänwa: Quehat chachat saraqirinaka, Hemán sat q'uchuri, jupax Joel chachan yuqapa, jupax Samuel chachan yuqapa,

34 34 (19) jupax Elcaná chachan yuqapa, jupax Jeroham chachan yuqapa, jupax Eliel chachan yuqapa, jupax Tóah chachan yuqapa,

35 35 (20) jupax Suf chachan yuqapa, jupax Elcaná chachan yuqapa, jupax Máhat chachan yuqapa, jupax Amasai chachan yuqapa,

36 36 (21) jupax Elcaná chachan yuqapa, jupax Joel chachan yuqapa, jupax Azarías chachan yuqapa, jupax Sofonías chachan yuqapa,

37 37 (22) jupax Táhat chachan yuqapa, jupax Asir chachan yuqapa, jupax Ebiasaf chachan yuqapa, jupax Coré chachan yuqapa,

38 38 (23) jupax Ishar chachan yuqapa, jupax Quehat chachan yuqapa, jupax Leví chachan yuqapa, jupasti Israel chachan yuqaparaki.

39 39 (24) Hemán chachan kupïxapansti Asaf sat wila masipaw sayt'asïna, jupax Berequías chachan yuqapa, jupax Simá chachan yuqapa,

40 40 (25) jupax Micael chachan yuqapa, jupax Baaseías chachan yuqapa, jupax Malquías chachan yuqapa,

41 41 (26) jupax Etní chachan yuqapa, jupax Zérah chachan yuqapa, jupax Adaías chachan yuqapa,

42 42 (27) jupax Etán chachan yuqapa, jupax Zimá chachan yuqapa, jupax Simí chachan yuqapa,

43 43 (28) jupax Jáhat chachan yuqapa, jupax Guersón chachan yuqapa, jupasti Leví chachan wawaparakïnwa.

44 44 (29) Hemán chachan ch'iqäxaparusti Merarí chachat saraqir wila masipaw sayt'asïna: Etán, jupax Quisí chachan wawapänwa, jupax Abdí chachan yuqapa, jupax Maluc chachan yuqapa,

45 45 (30) jupax Hasabías chachan yuqapa, jupax Amasías chachan yuqapa, jupax Hilquías chachan yuqapa,

46 46 (31) jupax Amsí chachan yuqapa, jupax Baní chachan yuqapa, jupax Sémer chachan yuqapa,

47 47 (32) jupax Mahli chachan yuqapa, jupax Musí chachan yuqapa, jupax Merarí chachan yuqapa, jupasti Leví chachan yuqaparakïnwa.

48 48 (33) Leví chachat saraqir maynïr wila masinakapax Diosan utapan taqi kun lurañatak uchatäpxänwa.

49 49 (34) Aarón chachampi, jupat saraqir wawanakampiw wilañcha luqtañ altarxarux waxt'äwinak nakt'ayapxirïna, ukhamaraki incienso luqtañ altärxaru. Jupanakarakiw Qullanan Qullanap chiqawjan uka luräwinak phuqhapxirïna, Israel markatak juchanakat pampachäwi mayisa, kunjämtix Diosan Moisés luqtiripax siskän ukhamarjama.

Aarón chachat saraqirinaka

50-53 50-53 (35-38) Aarón chachan saraqir wawanakapa: Eleazar, Finees, Abisúa, Buquí, Uzí, Zeraías, Meraiot, Amarías, Ahitub, Sadoc, Ahimaas.

Levitanakan markanakapa(Jos 21.1-42)

54 54 (39) Aarón chachat saraqir wawanakapan qamäwi chiqanakasa, uraqinakapan qurpanakapasa akhamänwa: Quehat sat wila masinakapatakix Judá chiqan Hebrón uraqiw suertet wakt'äna,

55 55 (40) uywa awatiñ uraqinakapamppach kuna.

56 56 (41) Jefuné chachan Caleb wawaparux markankir uraqinakapa, jisk'a markanakapamppach churapxäna.

57 57 (42) Aarón chachat saraqir wawanakaparux Hebrón imantasiñ marka, Libná, Jatir, Estemoa,

58-59 58-59 (43-44) Hilén, Debir, Asán, Bet-semes uka jisk'a markanakamppach katuyapxäna, taqi uka markanakax uywa awatiñ uraqinkamänwa.

60 60 (45) Ukhamarakiw Benjamín ayllunkirirux Gueba, Alémet, Anatot markanak churapxäna, taqi uka markanakax uywa awatiñ uraqinkamänwa. Ukhamasti Aarón chachan wila masinakaparux tunka kimsani markanakaw wakt'äna.

61 61 (46) Quehat chachan maynïr wila masinakaparux Manasés ayllun chikat jaqinakapankir tunka markanakapaw suertetkam wakt'äna,

62 62 (47) Guersón chachat saraqir wawanakaparux wila masinakan jakhüwiparjamax tunka kimsan markanak churapxäna Isacar, Aser, Neftalí ayllunakata, Basán chiqankkatayna uka Manasés ayllumpita.

63 63 (48) Merarí chachat saraqir wawanakarux qawqhatix wila masinakapax utjkän ukarjamax Rubén, Gad, Zabulón uka ayllunakat tunka payan markanakaw suertetkam wakt'äna.

64 64 (49) Israelitanakasti Leví chachat saraqir wawanakaparux aka markanak uywa awatiñ uraqinakapamppach churäna.

65 65 (50) Judá, Simeón, Benjamín ayllunakatsti niya satäki uka markanakaw suertetkam wakt'äna.

66 66 (51) Quehat chachan yaqhip wila masinakaparux Efraín ayllunkir markanakaw suertetkam wakt'äna.

67 67 (52) Ukhamarakiw Siquem sat imantasiñ marka churapxäna, ukax Efraín qullunakankänwa, ukhamarak Guézer,

68-69 68-69 (53-54) Jocmeam, Bet-horón, Aialón, Gat-rimón uka markanak churapxäna, taqi uka markanakax uywa awatiñ uraqinkamänwa.

70 70 (55) Quehat wila masinakapat jilt'apki ukanakarux Aner, Bileam uka markanak churapxäna, uka markanakasti Manasés ayllun chikatapankirïnwa, sapa markax uywa awatiñ uraqinkamänwa.

71 71 (56) Guersón chachat saraqir wawanakaparux wila masinakapan jakhüwiparjamax Basán chiqankki uka Golán marka churapxäna, ukhamaraki Astarot marka, ukasti Manasés ayllun chikat jaqinakapankänwa, uywa awatiñ uraqinakamppacha.

72-73 72-73 (57-58) Ukhamarakiw Isacar ayllutxa, Quedes, Daberat, Ramot, Anem uka markanak churapxäna, sapa markasa uywa awatiñ uraqinkamänwa.

74-75 74-75 (59-60) Aser ayllutsti Masal, Abdón, Hucoc, Rehob uka markanak churapxäna, sapa markasa uywa awatiñ uraqinkamänwa.

76 76 (61) Neftalí ayllutsti Galileankir Quedes, Hamón, Quiriataim uka markanak churapxäna, sapa markasa uywa awatiñ uraqinkamänwa.

77 77 (62) Merarí chachat jilt'ir wawanakaparux Zabulón ayllutxa: Rimón, Tabor uka markanak churapxäna, sapa markasa uywa awatiñ uraqinkamänwa;

78-79 78-79 (63-64) Rubén ayllutsti Jordán jawirata inti jalsu tuqiru, Jericó uñkatasi, wasarankki uka Béser, Jahas, Cademot, Mefáat uka markanaka, sapa markasa uywa awatiñ uraqinkamänwa;

80-81 80-81 (65-66) Gad ayllutsti, Galaad chiqankir Ramot, Mahanaim, Hesbón, Jazer ukanaka, sapa markasa uywa awatiñ uraqinkamänwa.