1 CRÓNICAS 7 - Qullan Arunaka DC

Isacar chachat saraqirinaka

1Isacar chachan wawanakapax pusinïnwa: Tolá, Puvá, Jasub, Simrón.

2Tolá chachan wawanakapa: Uzí, Refaías, Jeriel, Jahmai, Ibsam, Samuel, jupanakasti Tolá awkipan wila masinakapan jilïrinakapänwa, ukatsti jan axsarir nuwasirinakänwa. Davidan urunakapansti jupanakat saraqir wawanakapax pä tunka payan waranqa suxta patakanïnwa.

3Uzí chachan wawapax Israhías satänwa. Israhías chachan wawanakapa: Micael, Abdías, Joel, Isías. Taqpachanix phisqa jilïrinakänwa.

4Jupanakan walja warminakani, walja wawanakanïtap laykuxa, jupanakan wila masinakapat saraqirinakax nuwasiñatak wali wakichrantatäpxänwa, taqpachanix kimsa tunka suxtan waranqa jaqinakänwa.

5Isacar chachan wila masinakapar jakthapitax kimsaqallq tunka paqallqun waranqa jaqinakänwa, jupanakasti jan axsarir nuwasirinakänwa.

Benjamín chachat saraqirinaka

6Benjamín chachan wawanakapax kimsanïnwa: Bela, Béquer, Jediael.

7Bela chachan wawanakapax phisqanïnwa: Esbón, Uzí, Uziel, Jerimot, Irí. Taqi jupanakax wila masipan jilïrinakapa, jan axsarir jaqinakäpxänwa. Wila masinakapar qillqatarjamasti wawanakapax pä tunka payan waranqa kimsa tunka pusin jaqinakänwa.

8Béquer chachan wawanakapa: Zemirá, Joás, Eliézer, Elioenai, Omrí, Jerimot, Abías, Anatot, Alémet. Taqi jupanakaw Béquer chachan wawanakapaxa,

9jupanakan wawanakapar qillqatarjamax wila masin jilïrinakapax pä tunka waranqa pä patakani jan axsarir jaqinakänwa.

10Jediael chachan wawapax Bilhán satänwa. Bilhán chachan wawanakapa: Jeús, Benjamín, Ehud, Quenaaná, Zetán, Tarsis, Ahisáhar.

11Taqi jupanakaw Jediael chachan wawanakapaxa, wila masin jilïrinaka, jan axsarir nuwasirinaka, nuwasiñatakis wakicht'atanaka. Jupanakax tunka paqallq waranqa pä patakan jaqinakänwa.

12Ir chachan wawanakapa: Sufam, Hufam. Aher chachan wawapax Husim satänwa.

Neftalí chachat saraqirinaka

13Neftalí chachan wawanakapa: Jahseel, Guní, Jéser, Salum. Taqi jupanakaw Bilhá chachat saraqir wawanakapäna.Manasés chachat saraqirinaka

14Manasés chachax siriankiri uñt'atapampix pani wawanïnwa: Asriel, Maquir, Galaad chachan awkipa.

15Maquir chachax Maacá warmimpiw jaqichasïna, jupax Hufam, Sufam uka wila masitänwa. Maquir chachan payïr wawapax Selofhad satänwa, jupasti mä imill wawanikïnwa.

16Maacá, jupax Maquir chachan warmipänwa, jupax mä yuqall wawanïnwa, juparux Peres sutimpiw uchäna. Peres chachan jilapasti Seres satänwa, wawanakapasti Ulam, Réquem satänwa.

17Ulam chachan wawapax Bedán satänwa. Jupanakaw Galaad chachan wawanakapäna, jupax Maquir chachan wawapänwa, jupasti Manasés chachan wawaparakïnwa.

18Maquir chachan kullakapax Hamoléquet satänwa, jupax Is-hod, Abiézer, Mahlá jupanakan taykapänwa.

19Semidá chachan wawanakapa: Ahián, Siquem, Liquehí, Aniam.

Efraín chachat saraqirinaka

20-21Efraín chachat saraqir wawanakapa: Sutélah, Béred, Táhat, Eladá, Táhat, Zabad, Sutélah, Éser, Elad. Éser, Elad, uka wawanakaparux Gat chiqankir jaqinakaw jiwarayäna, uywanakap lunthatir sarapxatap layku.

22Efraín awkipax jupanakat amtasax jaya pachaw llakisïna, ukatsti wila masinakapaw chuymachir jutapxäna.

23Ukatsti jupax warmipampiw mayachasïna, warmix usur jaqiptasax mä yuqall wawa wawachasïna, juparux Beriá sutimpiw uchäna, utapan chiji utjatap layku.

24Seerá, Beriá chachan phuchhapax aynachankiri alayankir Bet-horón marka sayt'ayäna, ukatsti Uzén-seerá marka sayt'ayarakïna.

25-27Beriá chachat saraqir wawanakapa: Réfah, Résef, Télah, Tahán, Ladán, Amihud, Elisamá, Nun, Josué.

28Jupanakan uraqinakapa, qamañ utanakapax Betel markänwa; inti jalsu tuqinsti Naarán marka; inti jalanta tuqinsti Guézer marka; Siquem chiqat Ayah chiqakama; taqi uka markanakax jisk'a markanakapamppach kuna.

29Manasés chachat saraqir wawanakapax Taanac, Meguido, Dor uka markanak katuntasipxäna, jisk'a markanakapamppach kuna. Israel chachan José yuqapat saraqir wawanakapax uka markanakan jakapxäna.

Aser chachat saraqirinaka

30Aser chachan wawanakapa: Imná, Isvá, Isví, Beriá, Sérah ukasti jupanakan kullakapänwa.

31Beriá chachan wawanakapa: Héber, Malquiel jupax Birzávit chachan awkipänwa.

32Héber jupax Jaflet chachan awkipänwa, Sémer, Hotam, Suhá jupax jupanakan kullakapänwa.

33Jaflet chachan wawanakapa: Pasac, Bimhal, Asvat.

34Sémer jilapan wawanakapa: Rohgá, Jehubá, Aram.

35Hotam jilapan wawanakapa: Sofah, Imná, Seles, Amal.

36Sofah chachan wawanakapa: Súah, Harnéfer, Súal, Berí, Imrá,

37Béser, Hod, Samá, Silsá, Itrán, Beerá.

38Jéter chachan wawanakapa: Jefuné, Pispá, Ará.

39Ulá chachan wawanakapa: Ará, Haniel, Risiá.

40Taqi jupanakaw Aser chachat saraqir wawanakapäna. Jupanakax wila masin jilïrinaka, jan axsarir soldadonaka, wali wakiskir jaqinakänwa. Wila masitkam qillqatanakax pä tunka suxtan waranqa jaqinakänwa, nuwasiñatakis wali wakicht'atanakänwa.