1 1 (2) Tatay, nanakan reyixay,
¡sutimax taqpach uraqin muspharkayawa!
¡Qhapaq kankañamax alaxpachat juk'ampi khurikamawa!
2 2 (3) Uñisirinakaman utjatap laykux
ñuñuskir wawanakan jach'añchatapampiw
ch'amam uñacht'aytaxa,
timasirinakampiru, qallasirinakampir t'unjañataki.
3 3 (4) Juman lurat alaxpach uñatatta,
juman uchat phaxsimpiru, warawaranakampir uñtkta ukapachax,
4 4 (5) sistwa:
¿Kunarak jaqisti,
jupat amtasiñamatakisti?
¿Kunatarak jupat llakistasti?
5 5 (6) Jaqirux niyas mä diosarjamaw lurtaxa,
jaqjam aytat kankañampiw juparux pillunttaxa;
6 6 (7) taqi luratanakam apnaqañapatakiw katuytaxa,
taqi kunxaruw utt'ayaraktaxa:
7 7 (8) ovej tamanakxaru, vacanakxaru,
ch'uminkir animalanakxaru,
8 8 (9) alax chiq thuqnaqir jamach'inakxaru,
lamar qutankir chawllanakxaru,
lamar qutan taqi utjirinakxaru.
9 9 (10) Tatay, nanakan reyixay,
¡taqi uraqpachan jach'a Diosapunïtawa!
Who We AreWhat We EelieveWhat We Do
2025 by iamachristian.org,Inc All rights reserved.