SALMOS 142 - Qullan Arunaka DC

SALMO 142Jumätaw nayan imantasiñaxaxa 1 Davidan q'uchupa, Saúl reyin nayraqatapat jaltkäna, mä p'iyar imantaskäna ukapachaw aka q'uchu qillqäna.

1 1 (2) Tatiturux wali jach'at art'asta,

khuyapayasiñ jach'at mayista.

2 2 (3) Jupan nayraqatapan llakinakax arsusta,

nayraqatapan llakixat yatiyasta,

3 3 (4) kunapachatix aynacht'at jikxataskta ukkha.

Tatay,

jumaw sarnaqäwix yattaxa:

thakhixarux mä sipit uchantapxi.

4 4 (5) Kupi tuqiruw uñtasta,

janiw khitis yanapt'ir jutkituti.

¡Janiw khitis arxatkituti!

¡Janiw khitis nayat llakirix utjkiti!

5 5 (6) Tatay,

jumaruw art'asinsma, jumaruw saraksma:

“Jumätaw nayan imantasiñaxaxa;

jumakiw aka jakañ uraqin taqi kunaxätasa” sasa.

6 6 (7) Arnaqasitanakaxarux ist'akimaya,

ch'ama thayjtataw uñjasta.

Nayar arknaqirinakat qhispiyita,

jupanakax nayat sipan juk'amp ch'amanïpxiwa.

7 7 (8) Aka t'aqhisiñ jakañat qhispiyita,

jumar yupaychañatak wayst'asita.

Aski jaqinakax kusisipxaniwa,

khuyapayasiñamp nayar uñjatamata.