AMÓS QALLTA ARUNAKA - Qullan Arunaka DC
QALLTA ARUNAKAAmós profetax Judá uraqin, Tecoa sat mä jisk'a markankirïnwa, jupasti ovejanak awatirïnwa, ukhamaruw Tatitux jupar jawsäna Israel markaru arunakap parlir sarañapataki. Uka urunakanxa, alayankir israelitanakax walipuniw luräwinakapan jiltapxäna, ñanqha lurañanaksti juk'ampirak lurapxäna, Tatitur taqi chuymampi yupaychañasti janiw utjkxänti.Amós profetax Israelampi qurpaski uka jak'a markanakatakiw walja uñacht'äwi arunak arsüna. Israel, Judá markanakax Tatitun chhijllat markäsipkpasa, uka markanakax jucha lurapxatapat Tatitun taripäwip katuqapxarakiniwa, Tatitun taripäwipan taqinitakïtap layku. Kawkïr phisqa unañchäwinakampitix aka qillqatax tukuyki, ukan qalltäwipax “Tatitun jach'a taripäwipampita, khuyapayasiñapampit qhanañchasaw parlistu.”Amós profetax wajchanakat arxatasis arsurïnwa, taqinis chiqapar uñjatäñapatakiw mayïna, kunjämtix Tatitux chiqapäki ukhama. Tatitukirakiw akapachan taqi kunsa chiqapar uñji. Kunatix jan askïkän ukanak chiqapar uñjaspan sasaw arsurïna, jucha luratanakax Tatituruw ñanqhachi sasa.
