SALMOS 32 - Qullan Arunaka DC

SALMO 32Juch arsusiñampi, pampachayasiñampi 1a Davidan q'uchupa

1 Khititix taqpach juchapat

q'umachat jikxataski uka jaqix kusisiñaniwa.

2Ñanqha jan amtir jaqix kusisiñaniwa,

juchapat Tatitump jan irkatayasiñ utjatap layku.

3Juchanakax janïr arsusiñkamaxa,

janchixax k'achat k'achataw

jachataxat aynacht'askäna,

4amparamax uruy arumaw

jatxattasin t'aqhisiyitäna.

Lupin suwantir panqarjamaw

wañsurakiyäta.

5Jucha lurataxatsti,

jan akch'as imaqasaw arsusta;

juchanakax jumar arsusiñatakiw amtta,

Tatay, jumasti juchanakaxat pampachistawa.

6Ukatpï jumar iyawsirinakax

jan walt'añanakan jumar mayisinipxätamxa,

jan walt'añanakax walja umanakjamas llumintasinkpan,

janipuniw jupanakan ukakamax purkaniti.

7Jumaw imantasiñaxätaxa:

jan walt'añanakat qhispiyista,

atipjäwi q'uchunakampiw muyuntayista.

8Tatitux situwa:

“Nayranakaxax jumaruw uñch'ukisktam.

Nayaw yatichaskäma,

nayaw amuyt'ayaskäma,

nayaw sarañamäki uka thakhi uñachayaskäma.

9Jumasti jan caballor uñtatämti,

janirak mular uñtatämsa

ukanakax janiw amuyapkaspati,

ukanakar apnaqañatakix

jakimampi uchantas apnaqañawa,

jan ukham uchatax janiw jak'achasipkiristamti” sasa.

10Ñanqha lurir jaqinakax llakinakampiw t'aqhisipxani;

Tatitur iyawsirinakarusti munasiñapaw imani.

11Aski jaqinaka, Tatitun kusisipxam,

chiqa chuymaninaka,

Tatitur kusisiñat jach'añchapxam.