EZEQUIEL QALLTA ARUNAKA - Qullan Arunaka DC
QALLTA ARUNAKAEzequiel profetax Babilonia uraqir katuntat apatänwa, Jerusalén markax janïra t'unjatäkän uka urunakana. Jupan profecía arunakapax Jerusalén markankirinakataki, ukhamaraki Babilonia uraqir katuntat apatäpkän ukanakatakïnwa. Ezequiel profetan qillqatapax pusir jaljatawa: 1. Tatitun Ezequiel profetaru jawsatapa, ukatsti kuna mutuyäwtix Tatitux markapxar apayankani uka yatiyäwimpita, Jerusalén markan t'unjatäñapampit parlistu (caps. 1-24). 2. Tatitun taripäwipasti kawkïr markanakatix Tatitun markapar t'aqhisiyapkän ukanakatakiwa, uka arunakasti Jerusalén markan t'unjatätap qhipat arsutänwa (caps. 25-32). 3. T'aqhisiyat markatak suma chuymachasir arunaka, akat qhiparu wasitat sayt'ayatäxañapataki arsüwinaka, ukatsti Gog chachar jan walt'ayañatak profecía arunaka (caps. 33-39). 4. Kunjämäkanitix markapaxa, Tatitun utapasa taqi ukanakat parlistu (caps. 40-48).Ezequiel profetax Tatitur wali katuyat jaqïnwa. Tatitut kunayman unañchäwinak katuqäna. Ukxarusti sapa mayni Tatitur juchanakasat arsusiñata, ukhamaraki ajay tuqin sumar tukuñasat parlistu. Ukatsti kunjämsa Tatitux markapar wasitat sartayani uka tuqinakat qhanañcharaki, ukat amuyt'añatakisti kunjämsa wañsut ch'akhanakar Tatitux ajayup tuqi chiqpach jakañ churkäna uka unañchäwit parlarakistu (37.1-14). Sacerdote kankañapansti, jaqinakan Tatitun nayraqatapan q'uma chuymanïpxañap munäna, Tatitun utapas utachatäñap munarakïna.
