SALMOS 127 - Qullan Arunaka DC

SALMO 127Taqi kunas Diosat juti 1a Salomonatak qillqata, Jerusalén markar makhatirinakan q'uchuñapataki.

1 Tatitutix jan utachkaspaxa,

inamayakiw utachirinakax ch'am tukusipkaspa;

Tatitutix markar jan imkaspaxa,

inamayakiw marka uñjirinakax uñch'ukisipkaspa.

2Willjtat sarnaqatanakax inamayawa,

jayp'ukam irnaqatas inamayawa,

jump'i apsutampi t'ant'a manq'atas inamayawa,

Diosax munat wawanakapan ikiñanakapkam

t'ant'a churki ukapachaxa.

3Yurirapkistu uka wawanakax,

Tatitun aski churäwinakapawa.

4Waynäpktan ukapach yurirapkistu uka wawanakax

nuwasirin amparapankir mich'inakar uñtatawa.

5¡Walja wawan jaqinakax kusisiñaniwa!

Janiw timanakapamp p'inqachat uñjaskaniti,

taripirinakan nayraqatapan jikxataskani ukkhaxa.