1 CORINTIOS MARKANKIR IYAWSIRINAKAR MAYÏR QILLQATAPA - Qullan Arunaka DC
MARKANKIR IYAWSIRINAKAR MAYÏR QILLQATAPAQALLTA ARUNAKAPablox utt'aykän uka Corinto iglesian Tatitun chiqa yatichäwinakap tuqita, askin sarnaqañ tuqit kunayman jan walt'añanakaw sartäna. Corinto markax griegonak taypin mä jach'a markänwa, kunayman jaqinakani, taqi kunan phuqt'ataraki. Alakip lurañansti wali nayrankänwa, yatiñanakansa phuqt'ata, kunayman yatichäwinakani, ukatsti kunayman q'añu lurañanakan phuqt'atarakïnwa, pachpankir Cristor iyawsirinakatakis mä jach'a yant'arakïnwa.Pablox qallta aruntäwipan Diosaruw yuspagaräna, Corinto iglesian kuna askitix utjkän uka tuqita (1.1-9). Ukatsti Pablox corintonkirinakarux t'aqanuqtat sarnaqatapata (1.10—4.21), wachuq jucha lurapxatapata, ch'axwanakap anqankir taripirinakar yatiyapxatapat tuqinuqi; ukatsti jupanakarux jaqichasiñ tuqit iwxanak churi (caps. 5-7). Corintonkir jaqinakax yaqha diosanakar yupaychirïtapatsti, iyawsirinak taypin jan walt'añanak sartayäna; ukatsti Pablox jupanakarux suma amuyt'anak churarakïna (8.1—11.1). Corintonkir Cristor iyawsirinak taypin qhanañchatäñapaw wakisïna, Qullan Ajayun luräwinakap tuqita, Tatitun manq'äwip lurañ tuqimpita (11.2—14.40).Cristor iyawsirinakasti mayjt'ataw jikxatasipxäna, Criston jaktäwipampita, iyawsirinakan jaktäwipxat yatichäwimpit mayjt'ataw jikxatasipxäna, ukatsti Pablox jupanakar uka tuqinakat sum amuyt'ayarakïna (cap. 15). Pablox tukt'ayañatakix Judeankir Cristor iyawsirinakar qullqi tuqin yanapt'añxata, jupan amtäwinakapxata, yaqha tuqinakxat iwxt'arakïna. Tunka kimsani jaljäki ukax, “Munasiñ q'uchu” sas sutichatawa.
